Mithiang Chrysologus

July, 30

ST. PETER CHRYSOLOGUS (380-450)

(BISHOP LE BIBLE THIAMSANG)

            Mithiang Peter Chrysologus cu Revenna Bishop a si. Italy ram Imola khua ah (380) kum ah a chuak. Caan rem ah amah cu a sang mi Bible lei cawnpiaknak a ing i Deacon pakhat a rak si. Kum 424 ah Revenna khua i Bishop pa a rak thi. Amah rianchang tu dingah aa tlakbik tiah an ti mi Imola khua i Cornelius cu amah i Deacon Peter he Pope hnatlakpinak lak awk caah Rome ah an va kal. Pope St. Sixtus III cu Revenna khua i a hmasabik Bishop a simi St. Apollinaries i vision peknak a hmuh caah mah thimnak i hnatlakpinak kha duh loin Peter tu kha thim i rian (Bishop) a pek. Peter cu midang nakin phungchim a thiam deuh caah Chrysologus tiah an auh. A sullam cu biachim (phungchim) a thiam tuk mi tinak a si. Phungngaitu hna an baa lai ti a phan caah a phungchim mi poah hi a tawi i a fiang. Atu le atu Bawipa thisa hlannak kha a dirkamh cikcektu a si i Catholic Bupi kha Khrihah sinak pakhat lawng a ngei tiin cohlan mi zumh palhnak (heresy of Monophusim) khaa doh i a khamhtu a si. Kum 450 ah a thi i a rauh hlanah Bible thiamsang tiah an thanh.