Mithiang Cyril

March, 18

ST. CYRIL OF JERUSALEM (315-386)

(Bishop le Biaknak lei Saya- Doctor)

            Jerusalem khua Bishop pakhat a rak sive mi St. Cyril cu 315 kum, Jerusalem khua ah a rak chuak. Bible lei thiamnak le a laar ngaimi ca lei fimthiamnak a rak cawn hnu ah Bishop Messinsus kutchung in zungzal Siangbawi cannak a rak hmuh. 350 kum ah cu Bishop pa rian kha a rak chaan. Arauh hlanah voi (3) bakte Ram in `thawlnak dan a rak pemi Arians mi hna he Pathian kong i alnak ah a rak i tel ve. Cu Arians mi hna nih misifak hna bawmhnak caah a Angkifual a zuar tiah sual an phawt pah. St. Cyril nih a angkifual a zuar cu ahmaanmi si ko hmanhsehlaw Pathian duhning in a tuahmi a rak si. Constantinople tonnak nih kum 381 ah Bupi zumhnak a rak thanhlio ah St. Cyril cu Catholic zumhnak champion, tiah an thang`that in upat peknak a rak co.

            St. Cyril i ahnubik a ro cu “The Catechize” timi man a sung ngaimi cauk asi. Cu cauk cu tipil in awk caah i timhtuah chungnak ah (cawnpiak chungnak) a biapi tukmi cauk pakhat asi. Bible ca hna kha pakhat le pakhat pehtlai tein a rak `tialmi cauk zong asi fawn. Minung vialte hi nupi `thitnak puai ah sawm kan si. Zeicahtiah Bawi Jesuh Khrih cu nun a siang i mikip kha a dawtu asi. Mitampi (mibupi) kan i pumh tikah ahodah nupi`thit puai ah a lut kho lai ti kha nupi `thitu tlangvalpa nih bia a chah te lai. Hi biatlang hi tipil innak kha chuankhan in a chimmi asi, tiah a rak `tial. St. Cyril cu AD 386 kum ah a rak thi. Catholic zumhnak kha dinfel tein a rak dirkamh ruangah St. Cyril kha Bupi i Bible Doctor sinak an rak thanh.