Mithiang Gregory

 September 3

ST. GREGORY THE GREAT POPE

(540-604) DOCTOR

            Asangbik Pope hna chungin pakhat a si ve mi Mithiang Gregory cu 504 kum ah Rome ram Patrican chungkhar in a chuak. Kum 35 a ti ah a rian`tuannak `ha ngai in teinak a hmuh hnu kum 5 a ruah hnuah a ngeih mi chawva vialte a kaltak i Siangbawi pakhat a cang ve. Kum 590, Deacon sawhsawh te a si lioah mipi nih an i duh pi cio dih caah Pope ah an thim. Amah cu, cu khua in zamtak aa tim ko nain St. Peter Biakinnpi ah an auh i ordination an pek.

Cuhnu ah cun lamkaltu rian kha i dinlo tein `tuan hram aa thawk i a sangbikmi degree a hmuh. Amah cu thongtlami pawl tlanhnak ah le mi sifak bawmhnak caah Bupi phaisa chungin a miak tete kha a hman. Rome uknak (Empire) a rawh hnuah Baberian miphun hna kutchung in mipi hna khamh awkah `tuanvo a lak. Pumhnak chungah sakmi Gregorian hla kha a hmang hmasabiktu a si i England ram ah phungchimtu (mission) a thlah hna. A bawi cannak kha i uah loin Pathian rian`tuantu hna i salpa tiah aa ti. A rian a changtu hna nih atu tiang lungthin thiang an ngei rih. Zawtnak `thalo a loh nakhnga sual ngaihchihnak he pehtlai mi artlang in an kal i an vah lioah Hardrian lungkua Biakinnpar in Van Ralbawi Michael nih namkawng chungah nam a sanh liomi in langhnak a pek.

Hithil cu Pathian dantatnak a dih cang ti langhternak a si. Cucaah thluachuah hmelchunhnak in mah lung biakinn cungah cun thirhring in tuahmi vanbawi milem pakhat a tuah. Tuahtawn ningin Gregory Missa voi (30) cu mithiang Gregory i Zateih pakhat a si mi Justus he aa pehtlai mi a si. Cu Zateih thlarau khamhkhawhnak caah Missa voi (30) peh tein a tuahpiak hna ahcun Justus cu intuarnak fakngai chungin ka luat cang tiah a naupa pakhat sinah langhnak a tuah. St. Gregory cu kum 604 ah Rome khua ah a thih le cangka mithiang an pek colh. St. Gregory cu vawleicung tuanbia ah a sangbik tiin a hleice min`thatnak an pekmi Pope pahnih hna lakah pakhat a si ve.