Mithiang Patrick

March, 17
ST. PATRICK (385-461) BISHOP
Ireland ram lamkaltu a simi St. Parick cu kum 485, Britain ram ah a chuak. Kum (17) asi ah Ireland ram leiah sal in an rak zuar. Tupi chung le tlang tampi karlak ah kum (6) khengte arak um i thianghlimnak le zumhnak ah arak `hangcho ngaingai. Salcannak in arak luat hnu ah achuahkehnak ram ah arak kir. Inn aphak arauh hlanah Ireland miphun hna nih an ram ah rak kir in Pathian thawng`habia chim dingah an forhnak kong mang a manh.
Kum 431 ah Lerince i Zateih Sianginn ah Pathian phung le Biaknak lei fimnak a cawn hnu ah Ireland ah mission rian`uan dingin an rak thlah. Ireland aphak kumkhatnak ah Pope Selestine nih Bishop sinak rian a khinh.Salcannak in Caw le Naa arak khal mi hna tikulh pakhat i chaklei ah hmasabik thawng`ha arak phuan. Cu hnu ah Ireland khua zakip a vak i azumhnak le Pathian `hawnnak in Khrihfa a si lomi (bu dang) tampi hna kha Bupi chungah arak luhter khawh hna. Cu kong cu budang Siangbawi hna nih an theih tikah Patrick thah dingin khua an khan. Nikh
at cu St. Patrick kha fei in chunhthah dingin an i tim. Asinain St. Patrick cu lampi ah Rangleng cung an `hut lio a pawng i a`hu mi pa he an `hutnak ani thlen caah thihnak in aluat. Apawng i a `hu mi Rangleeng mongtu pa cu St. Patrick an rak timhnak fei hma in St. Patrick ai ah arak thi. St. Patrick nih kum 30 chung arak i zuamnak thawngin Ireland ram vialte ah Catholic Bupi arak karh.
Kum (461) ah St. Patrick cu tikulh i asannak bik hmun, tlangpar in a hnubik Thluachuah arak pek. Ca tlangpar ah ni (40) chung rawlulh thla a cam hnu ah hmailei chan ah Ireland in mithiang achuak te lai tiah biathlam arak hmuh. “Nangmah cu kannih vialte Pa na si” tiah hla an sakmi zong arak hmuh. Aruak kha hmasabik a rak sakmi Biakinn, Fore khua ah an rak vui.