St.Blaise le St.Ansgar

St.Blaise & St.Ansgar

February, 3

ST. BLAISE (+306) Bishop & Martyr)

ST. ANSGAR (806-865) BISHOP

            Hrom sawtnak a ngeimi hna a kilveng i a khamhpiaktu St. Blaise cu Amenia ram i phunsang nu le pa nih an rak hrin. Khrihfa fimnak kha `ha tein a rak thiam i siibawi pakhat a rak si. Cu hnu ah Siangbawi cannak a rak lak i Sebasterial khua Bishop zong a rak si. Lucinius Siangpahrang nih Khrihfa hna a rak hrem caan chungah amah nih a thlop i thluachuah a pek mi hna sahrang hna an umnak ramlak lungkua ah a rak i thup.

Puaizoh nak inn ah kuat dingin saram hna tlaih ah a kawl mi sakap thiam hna nih an hmuh i an tlaih hnu ah Amenia i Rome khua ukbawi Akarit Kolos sinah an kuat. An kalpinak lam ah Nutung pakhat cu a hrom ah ngaruh nih a chunhmi a fate kha a ratpi i a sinah a rak pek. Amah nih thla a campiaknak thawngin ngakchia cu thlop a si. Cu ni thawkin hrom he pehtlaimi zawtnak a ngeimi hna nih St. Blaise cu an panh cio.

 A rauh hlanah hremnak ing in thihnak kha a fekmi zumhnak he a phorh. Thir hmunthur huinak in a titsa hlainak a rak in hnu ah a lu an tan i a thi. St. Blaise puai ni ah hin Khrihfa hna i an hrom kha thluachuah pekcia mi phazaungdan pahnih in Vailamtah hmelchunhnak an tuah i thluachuah an pek tawn hna. Cu lioah Siangbawi nih, “Bishop le martyr a si mi mithiang St. Blaise i thlacam piaknak thawngin na hrom i na in mi zawtnak hna le thilchia hna in in khamh ko seh. Pa le Fapa le Thiangthlarau a min in Amen!” tiah a chim.

 Europe thlanglei i lamkaltu a simi St. Ansgar cu 801 kum, France ram i Amian khua pawngah a chuak. Picadi khua i Benidict Zateik Sianginn ah fimnak a rak cawng i Wespelima khua i New Kobi Zateik Sianginn uktu  a rak si. AD 832 kum ah Hambeth khua Bishop sinak an rak pek hnu ah Denmark, Norway le Sweden ram hna ah phungchim (mission) riantuan ding in `uanvopek a rak si. A phung chimnak ah zaran nakin a hleikhun mi le siaremhnak pahnih aa cawh.

Pupa zumhnak aa hruhchihmi Sweden Siangpahrang pa cu Khrihfa phungchim (missionary) hna kha a ram ah luhter awk a tlak le tlak lo thimfung thlaknak in biakhiahnak a tuah. St. Ansgar nih, cu buaibainak caah Pathian bawmhhal in thla a cam tikah Sweden ram chung luhnak nawl a hmuh. Amah cu a hraap ngai mi rangmei in tah mi angki kha aa hruk i, ti le changreu lawng ei in le sifak harsa mi cungah dawtnak le zaangfahnak nganpi kha a rak langhter. AD 865 kum i a thih lio ah Europe ram thlanglei mi vialte nih an rak `ap. Sweden ram ah hmasabik phungchimtu a rak sinak le Norway, Denmark ram i Biaknak lei phu a rak serpiaktu a rak si ruangah St. Ansga cu Sweden, Norway le Denmark ram hna zohkhenhtu mithiang an pek.

Add new comment

3 + 1 =