Ṭemtu

Photo Credit

Minung hi kan pawngkam a ummi hna sining hna le ruahnak hna nih tamtuk control an kan tuah tawn. Pathian nih a rian thiang ṭuan dingin a kan kawh tikah ah hin pawngkam a ummi hna control khawhnak chungin luat khawhnak ding ca zongah thazang pek ka si timi kha theih ding a si. Lawki sining in Khrihfa kan hun si tikah lawki chan lio tuah tawn mi hna kha hlawt ding an si cang; lawki chan lio tuahser nak hna nih khan control a kan tuah ding a si ti lo. 

Jesuh Khrih zong a rak ṭhannak pawngkam a ummi hna le a chungkhar/khat hna nih thawngṭhabia phuangtu le profet bia a phungtu sining dirhmun in a ummi kha an duh tuk men lai lo. An pawcawmnak rian a simi lettama rian in khan pawcawmnak kawl dingin an duh piak khawh mi zong a si. Sihmanhsehlaw Johan sinin tipilnak a in hnu in Pathian thawngṭhaibia a phuannak ah le khuaruahhar thil a tuahnak hna ah zeithil hmanhnih an control khawh lo bangin ahohmanh zong nih an control kho fawn ti lo. Cucu Pathian rianṭuannak ah siseh, Khrihfa kan sinak ah siseh kan i ngeih cio ding mi sining dirhmun a si. Pathian kan dawtnak le a nawlbia kan zulhnak ah hin zei thil hmanh kha i control ter ding a si lo. 

Thil ṭha tuah len ko mi mikip nih hmuh ko lio caan ah chiatnak in biapuh timi hi mi tampi caah cun a fawi hrimhrim lomi a si. Sihmanhsehlaw hi bantuk thil sining hna hi Jesuh Khrih hrimhrim hmanh nih a rak ton balnak kong kha nihin ni caah Bupi nih a kan thimpiakmi cathiang kan relmi chungin fiang tein kan hmuh khawh: mi nih, “A hrut cang,” an ti (Mk 3:21). Jesuh Khrih a chung le nih hi kong an theih tikah, kan va hnuh lai tiah an i tim fawn. Pawngkam a ummi hna nih Jesuh chungkhat pawl kha hmang in Jesuh dai tein a umnak hnga ding caah an hmaan/ fial an control hna ti khawh zong a si. Jesuh sining taktak hmuh thiam loin minung sining men lawngin biakhiah aa tim zungzal mi minung kan sining zong kha nihin cathiang chungah hmuh khawh a si fawn. 

Dawtmi u le nau hna, Pathian nih a kan sawm, a kan kawh, a kan thim cang hnu ah cun thazang zong a kan pek chih ko timi kha thei hna u si. Pathian kan dawtnak nih pawngkam um control an kan tim zungzal tu hna kut chungin teinak le luatnak Bawipa Pathian nih kan pe hram cio ko seh. Amen 

 

 

 

Add new comment

9 + 4 =