Advent (Hngah caan) caan ah Pope Francis ruahnak pekmi.

RomePhoto Credit

 

Pope Francis nih,

Jesuh Khrih a rat lainak Chritmas puai caah timhtuahnak caan a simi Advent caan kha santlai ngai in timhlamh khawh cionak ding caah ruahnak a ngeih mi kha hitin a chim.

Hmasa bikah Christmas ca i timhlamh tikah zumhnak he timhlamh cio ding, Christmas puai kha Vawlei puai bantuk in an tuah cio. Pathian nihcun, zumhnak he tuahter a kan duh mi a si.

“Maw…Bawipa Pathian kan zumh ko. Keimah zumh derthawmnak kha thazang ka bet piak ko. Ka zumhnak kha vawlei duhnak he i lawhnak le pupa phunglam i hruh chihnak in rak ka kham ko sawh” tiin (10-12-2018) ni ah forhfialnak in ruahnak a rak pek.

“Vawlei cung ramkip ah a chuak mi (Covid-19) pulrai cu Advent (Hngahcaan) chung timh tuahnak caah donkhantu (konglam chimrel) siter awk a si lonak kong ralrin peknak bia in hngah caan kha thathawh lungtho tein timhlamh in nan um cio nak lai a forhfail bantuk in pulrai nih fak ngai in harnak a peknak tangah thuk piin lungdaihnak, upatnak he ṭhakhun ralrinnak le ding tein thlacamnak hna he thawngṭha kha phorh cio dingah Pope (Francis) nih a luan cia Nov. 30 ni ah kha a rak chim.

Christmas ca timhtuahnak ah mah nunning ziaza zong thlenremh a herh ve tiah biapi ngai in a rak chim. Tukum thil sining hi Christmas puai tuahnak ding caah kum dang he aa khah lo tuk nain zumhnak, lungthawhnak, nun ziaza i thlenremhnak le thilṭha hna tuahnak hna in Christmas kha ruahchannak, lunglawmhnak hna he timhlamh in tuah khawh cio a sinak kong thawngṭha kan phorh hna.

Add new comment

2 + 0 =