Arfi (Star)

RVA Hakha Chin

Monday, November 02, 2020

Minung pakhat cio hi star kan si, arfi kan si cio hna. kan nun lio ah timh tuah nak kan ngeih cio hna bantukin, cu kan i timhtuahnak zongah cun biatak tein thazang kan chuah cio hna.
Lenglei, chimduhnak cu hlasa-muicaw pawl hna lawng hi star an si tiah kan ruah sual men hna lai. vawlei nih pe a tah nak ah cun an mah hna hi star cu an si tak cio ko men lai. sihmanhsehlaw, kan mah pakhat cio hi tah kan innchungkhar cio caah star dir hmun in kan dir cio hna maw, timi te hi ruat cio hna u sih.
Nihin ni ah, a thi cia mi thlarau hna caah thlacam piak nak kan ngei hna. Cun, vancung ram an phanh canga si ah cun an mah hna sin in thlacam piak dingin bawmh kan hal ve hna. An mah hna hi star a si cang mi hna an si. Arfi ti duh nak lawng a si lo. Pa Pathian sin an phanh cang a si ah cun kan mah hna caah star (arfi) bang an si cang hna.
Kan nih pakhat cio hi tah hi vawlei cung kan nun lio caan ah hin midang, pawngkam hna caah star kan si kho ve cang hna maw?
Dawtmi u le nau hna, nikhat Pa Pathian sin kan phan cio te hna lai. An mah hna bangin star siding in kan i zuam cuahmah lio mi star si dingin sitak khawh i zuam cio hna u sih.
Bawipa Pathian, Jesuh Khrih hrimhrim nih thawngtha bia chungin a kan cawnpiak mi, Amah nawl bia zulh lawngah star kan si kho ve hna lai. Zeicah tiah a kan cawnpiaktu cu Jesuh Khrih Pathian hrimhrim a si caah a si.
Kal cia thlarau hna caah thla kan cam piak hna bantukin, a nung lio mi kan mah pakhat cio hna zong nih Pathian duh mi star si khawh dingin i zuam cio hna u sih.