Bawipa aa Phuannak Puai

“Judah siangpahrang a si lai dingmi ngakchia a khuakmi cu khuazei ah dah a um? A arfi nichuahlei in a chuah kha kan hmuh i amah biak awkah cun a tu hi kan ra” an ti (Matt 2:2).

• Kan Bawipa Pathian cu mifim hna nih an thiam mi arfi hmang in a Fapa sin an phanh khawh nak hnga langhnak a pek hna. Cu ve bantukin kan Bawipa Jesuh Khrih zong nih zultu hna a kawh, a thim hna tik ah zultu hna nih an thiam mi rian in a cawnpiak hna i rian a fial ve hna. Kan nih pakhat cio kan nunnak zong ah Bawipa nih zei bantukin dah a sin kan phanh khawh nak hnga langhnak a tuah ve?
• Minung hna nih khua kan ruat, khua kan khan i rian kan tuan tawn. Sihmahsehlaw Pathian nih kan caah zei tin dah khua a khan hnga timi hi ruat cio hna u sih. Mithiang Paul nih a chim mi cu: “Pathian nih a thuhmi a khuakhannak cu ka sinah a phuan i a ka hngalhter” tiah a ti(Eph 3:3). Joseph nih Mary hlawt ding in khua a ruah lio ah Bawipa vancung mi nih: “David tefa Joseph, Mary hi na nupi ca i lak awkah tih hlah. Zeicah thiah fa a pawimi hi Thiang Thlarau thawngin a si” (Matt 1:20) tiin a rak ti caah Joseph cu amah ruah mi programme kha tuah lo in Pathian programme kha a zulh caah Pathian lung a tong. Mary zong a hmuh mi le a theih mi thil vialte a lung chungah aa cinken hna i fakpi khua a ruat ve. Amah duhnak lam zul lo in Pathian duh mi lam a zul mi nu a si ve. Mifim hna zong, Pathain nih an mang ah Herod sin i kir ti lo ding khan a chimh i cucaah lam dang in an ram ah khan an kir (Matt2:12). Kan nih hna zong kan mah duh nak lawng zul lo in Pathian duh nak a programme kan zulh a si ah cun kan nunnak ah kan him zungzal ko lai.
• Herod cu Pathian Fapa thah ding in aa zuam zungzal mi a si. Bupi nih nau hrawhnak a tuah mi cu bupi chungin a chuah hna; zeicah kan ti a si ah cun Pathian duh ning, Pathian programme a zul zungzal tu a si caah a si. That lo nak a tuah mi hna cu Herod bantuk an si. Tuchan zongah nau hrawknak a tauh tu si hna seh, a bawm chan tu si hna seh, ruah nak a pe tu si hna seh, cu bantuk mi hna cu Herod bantuk minung an si(Matt 2:16).
• Dawtmi u le nau hna, kan nunnak ah Pathian programme a thei thiam mi le a zul kho tu si khawh i zuam zungzal hna u sih.