Bawipa cu kan damnak a si

Photo Credit

“Bawipa, na duh ahcun na ka thianter khawh”. (Lk 5:12)

  • Nihin kan rel kan theih mi thawngtha bia ah thinghmui zawtnak a ngei mi pa nih: “Bawipa, na duh ahcun na ka thianter khawh” tiin a nawl nak kong kan theih. Thinghmui zawtnak a ngei mi hna hi mibu sinah va um le va kal hi a har ngai ngai mi a si. Sihmanhsehlaw, hi pa nih hin lungsau tein le ruahchannak nganpi he kan Bawipa a rat lai nak lam khan a rak hngah nak kong kan hmuh. Dawtnak lungthin he a khat mi Bawipa nih damnak a pek than i phung ning in a thian cang nak kha langhter awk caah Moses nawlbia ning in raithawinak va tuah awk ah a fial.
  • Bawipa kan sin a rat hi thawngtha chim ding lawng siloin kan dam than nak hnga ding ca zongah a si. Adam le Eve hna ruangah a rak tlau cang mi thil vialte a thar in pek kan si than nak hnga ding caah Bawipa cu kan sinah a rat hi a si. Bawipa thawngin Pa Pathian he remnak kan hmuh than. Taksa thlarau dam nak kan hmuh than nak hnga ding caah a si.
  • Zeibantuk sining cang in kan um zongah Bawipa sin kal in kan sual kan palh nak hna caah ngaihthiam nak kan hal than hna a si ah cun Bawipa nih a kan ngaihthiam ko lai.
  • Thinghmui hma zawtnak a ngei mi pa nih zeibantuk ning zahnak hmah ngeih lo in Bawipa a va ton i damnak a hmuh than nak hnga ding caah a nawl tik ah dam nak a hmuh thang bangin kan nih hna zong thinghmui hma bang a si mi kan sual kan palh nak hna chung in Bawipa nih damnak a kan pek than nak hnga ding caah nawl zungzal hna u sih.
  • Bawipa a rat lai nak lam in Bawipa kha hngak hna u sih law zangfah hal zungzal hna u sih.
  • Thla kan cam hnga ding mi cu: “Maw Bawipa, fahnak a kan pe tu hna kha ngaihthiam khawhnak lungthin kan pe hram ko sawh” tiin thlacam hna u sih.

Add new comment

3 + 4 =