Bawipa Hnu Zulh

Photo Credit

 

  • Nihin thawngtha chungah tipil pe tu Johan thong an thlak tikah kan Bawipa Jesuh Khrih cu Galilee ram lei ah aa thawh i thawngtha chim hram a thawk. Bawipa nih Galilee rili kam i sur in nga a rak tlai len komi Simon le a nau Andrew kha a thawh hna i: “ Ka zul tuah u, mi thlaitu ah kan ser hna lai” (Mk 1:17) tiah a ti hna. An nih zong zeibantuk khamnak hmanh ngei lo in Bawipa hnu cu an zulh ve.
  • Simon le Andrew hna u nau hi kan Bawipa nih biakinn chungin thawngtha a chim mi an ngeih hnu ah a lung aa thleng mi an si hna lo. An mah um nak, an riantuannak hmun ah Bawipa hrimhrim a kal i an kawh hna tu hi a si.
  • Kan nih pakhat cio sin zongah Bawipa cu muisam phunphun in a ra kho ko. Zeibantuk thil tuah ding le tuah lo ding ti zong lam a kan hmuh sak zungzal ko lai. Bawipa kan sin a rat kan hmu thiam cio hna maw? Kan co hlang thiam cio hna maw? Ruat hna u sih.
  • Bawipa cu nifatin kan riantuannak hmunhma ah a ra tawn ko. Kan pawngkam kan um nak hmun in Bawipa kawl cio hna u sih.
  • Bawipa nih Simon le Andrew a hnu zulh ding in a auh tik hna ah lungawtawmnak zeihmanh um lo in Bawipa hnu an rak zulh taktak ko. Kan nih kan nunnak ah Bawipa hnu kan zulh nak ah lungtlin lo nak, lungawtawmh nak le biahal nak lawng tein maw kan zulh cio hna hnga?
  • Simon le Andrew nih an sur le an lawng a chiah ta i Bawipa hnu an zulh. Sur le lawng cu ngatlai tu hna caah a herh bik mi an hrimnam a si. Bawipa nih a kan auh tik ah kan hriamnam tha bik a si mi hna kha siang ngai in a chia, a hlaw kho tu kan si ve cio hna hnga maw? Na hriamnam tha bik kha Bawipa nih a sin ah ap ding in a kan duh piak.
  • Pathian riantuan tu hna zong nih an lungthin a dih um nak in le lungawtawmnak um lo in Bawipa hnu a zul kho tu le a rian thiang a tuan kho tu an si khawh cio nak hnga ding caah thlacam piak zungzal hna u sih.
  • Thla kan cam hnga ding mi cu: “Maw Bawipa, ka ngeih mi vialte chiah ta in na hnu an zul kho tu ka si ter ko sawh” tiin thlacam hna u sih.

Add new comment

9 + 2 =