Bawipa Jesuh nih Khrihfa bu kha zeibantuk muisam in dah a sak?

Bianaaah; Vawlei cungah hin minung tampi um ko hmanh u sihlaw Pathian mithmai, minung mithmai ah mitha pakhat hmanh kan um lo. Mah pumpak hmanh i zumh awk a si lo ti mi, an chim tawnmi phungthluk bia a um, a si lo mei? Cu bantuk in thazaang dernak, palhnak tampi he a khatmi minung nih sakmi inn pakhat kha, a chungah kan vun luh a si ahcun phanat phoihnak hmun, rawl chuannak hmun (coka), ihnak khaan ti in. Mithalo a si mi minung hmanh nih ningcang tein an sak kha hmuh khawh a si. Cu ti a si ahcun a thiangmi Pathian nih a Bupi kha ningcang lo in a sa hnga maw?

Ruah awk a um. Cucaah Jesuh nih ka Khrihfabu ka sak lai a ti caangka in zeitluk ningcang te in a sak lai, ti kha theih a herh ngaingai. Cun zeidah a chim rih. Cu Khrihfabu (Bupi) cu ka pum a si, a ti. Khrihfabu (Bupi) kha amah pum he a tahchunh. Cu ruangah Khrihfabu cu a tha. Khrihfabu cu a thiang. Zeicahtiah Khrihfabu cu amah (Jesuh) pum, amah (Jesuh) pum cu Khrihfabu a si. Chim duhmi cu Pathian a that a si ahcun a Bupi zong a tha i Pathian cu a thian a si ahcun a Khrihfabu zong a thiang ve. Khrihfabu (Bupi) a that ahcun Pathian zong a tha ve. Khrihfabu (Bupi) le Pathian cu then khawh a si lo. Biahal awk pakhat te cu a um. Amah (Jesuh) nih a sakmi Khrihfabu cu zei Khrihfabu dah a si?

Catialtu/- Philip Ngun Khar(KMSS)