BAWIPA THISA CIVUI

Photo Credit

1954 kum le 1955 kum lioah Myanmar ram Bishop hna cu Loikaw khua ah ton pumhnak (civui) an rak ngei. An civui biachahnak bangin, Bawipa Thisa Puai kha Loikaw khua ah an rak tuah. Pathian leen (bk&m;zl;) ah a kal khomi, a kai khomi khual zapi (5000) leng an rak si. Khi hnu ah Pathian leen ah a kai kho dingmi zapi (50000) leng umnak ramkulh/ramthen ah Bawipa Thisa Puai cu hmunkhat ah tuah siseh, tiah an rak ti i a hmai kum (1956) kum, February thla (2-5) ni tiang, a voikhatnak Bawipa Thisa Civuipi (Puai) cu Rangoon (atu Yangon) khua ah rumra ngei ngai le hlunghlai ngaiin an rak tuah.

Khi Civuipi ah Pope aiawhtu (kuzale) sinak in Cardinal Card Gracias, Pope aiawhtu Kuzale Martin Luther, Arhbishop hnale Bishop hna an zapi (27), Myanmar ram pumpi chung um Bukip fonhin Siangbawi, Pastor hna, Brother hna, Sister tampi le Biaknak khat (RC Khrihfa) mipi thong sawmnga (50000) tluk an rak kai kho. Cupin ah Ramkomh Myanmar ram cozah hruaitu Lubik Vuancichoke U Nu pumpak hrimhrim a rak kai ve i biachimnak zong a rak ngei. Abiachimnak ah Catholic Biaknak cu Myanmar ram ahhin zohchunh awktlak, i zohchunh dingmi (sanpiah) Biaknak a si, tiah lunglawm ngai in thangthat conglawmhnak bia a rak chim.

A donghnak ni ah Bawipa Thisaleen vahpi dingin Biaknak khat Khrihfa zapi thong sawmnga tluk nih artlangin an kal lioah, Lamsir lamkam (kehlei he orhlei he) in a rak zohmi hna hi minung thongkul (20000) tluk an rak si i, RC Khrihfa hna i sikaan upadi ngeihnak dirhmun le zulhphung (sikaan) ning tein upatnak le hmaizahnak an tuah ningcang, an biak ning cang kha mizapi nih an rak thangthat. Khiti thinlung tak tein upat hmaizahnak, thlacamnak, zeizongte ah ziaza thami an sinak hna thawngin, kha a voikhatnak Bawipa Thisa Civuipi (Puai) cu Myanmar ram Catholic Bupi i teinak nganpi pakhat a si. Cuticun ningcang tein (systematically) sermi Biaknak Bupi cu thangthat conglawmhnak a comi kha kan zoh`han tikah Catho- lic Bupi i cawnpiaknak cu teinak laksawng tlolh loin a hmu taktak ko timi kha langhter in ka hmuhsakmi a si.

Add new comment

1 + 1 =