Bawipa Tipil Innak Puai

Photo Credit
Tuesday, January 09, 2024

 

  • Nihin cu kan Bawipa Jesuh Johan kut in tipil innak puai a si. Ti chungin a hung thawh dih kate ah khan, van kha aa cheu i Thlarau cu thuro bantukin a cung i a run i fut kha Jesuh nih cun a hmuh. Cun van in aw pakhat kha a theih i , “Nangmah hi ka Fapa dawt cu na si. Na cungah ka lung a tling ngaingai,” tiah aw nih cun a ti. (Mk 1:10-11)
  • Pa Pathian nih dawtnak in a Fapa ngeihchun kha kan sin ah a rak thlah. Kan mah pakhat cio hna zong Pa Pathian nih a kan dawtnak kha theih in pakhat le pakhat kan i dawt ve cio awk a si. Bupi chungah mithiang tiin kan ti mi hna an nun zia kan zoh a si ah cun, an kum khua upat le ngakchiat zeihmah um lo in Pathian duhnak kha a duhnak nganbik ah a chia i aa pechan mi Pathian hnu zul tha an si. Kan nih hna zong ka upa tuk cang, kan ngakchia tuk rih timi lungput ngeih lo in Pathian sin ap buin a duh nak lam zulh khawh i zuam cio hna u sih.
  • Dawtnak a um nak hmun paoh ah Pathian a um. Cu a si caah kan chungkhar, kan phu, kan bupi chungah pakhat le pakhat rualrem te in le daw tein a nung mi le Pathian mui a langhter kho tu si khawh i zuam cio hna u sih.
  • Thla kan cam hnga ding mi cu: “Maw Bawipa, midang sinin dawtnak hmuh ding le a cohlaang duh mi lawng si lo in midang cungah dawtnak a langhter kho tu ka si ter ko sawh” tiin thlacam hna u sih.

Add new comment

6 + 1 =

Quick Links