Biakinn Thiang

Kan pum cu Pathian biakinn a si caah thianghlim tein tuahser a herhnak kong he pehtlai in Bible cathiang chungin thlawm te zoh ti hna u sih law thazang i lak ti hna u sih.

“Ka Pa inn cu chawdawrnak hmun ah ser hlah u”(Jn 2:16).

“Ka Biakinn cu miphun vialte caah thlacamnak inn ti a si lai”(Is 56:7).

“Zohhmanh, ka hmaiah ka lam a sialtu ding ka lamkal ka thlah lai. Nan kawlmi Bawipa cu chikkhatte ah a biakinn ah a ra lai; nannih nih nan duhmi biakamnak lamkaltu cu hika ah a ra cang, hika ah hin a um cang tiah ralkapbu Bawipa nih a ti”(Malakhi 3:1)

Maccabees le a unau rual hna nih biakinn chung i a um mi a thurhnawmmi vialte hna kha an thianh hna i a thar in Pathian sinah pekchanhnak an tuah than(2Maccabees 10:1-8).

Biakinn cu a thar in thianternak an tuah hnu ah, a thar in pekchanhnak an tuah tthan i, Pathian biakning phunglam hna kha a thar in an ser hna (Daniel 9:24-25, Rev 21:2-5) tiah prophet hna nih an rak chimcia bang khan a hung si.

“Pathian biakinn nan si kha nan hngalh i Pathian Thlarau nan chung i a um zong kha nan hngalh. Cucaah ahohmanh nih Pathian biakinn cu a hrawh ahcun, amah cu Pathian nih a hrawh ve lai. Zeicahtiah Pathian biakinn cu a thiangmi a si i nanmah hrimhrim cu biakinn cu nan si.” 1 Cor 3:16-17)

“Nan pum cu Khrih pum a tengnge a si kha nan hngalh. Khrih pum a tengnge cu i lak riangmang in hlawhhlangnu pum a tengnge ah cun ka ser hnga maw? Naisai hlah! Hlawhhlangnu pum ah a pum a va fonhmipa kha, hlawhhlangnu he cun titsa khat an si ti kha nan hngal rua lo. Cathiang nih fiang tein a chimmi cu, “Cu hna pahnih cu pum khat an si lai,” ti hi a si. Sihmanhsehlaw Bawipa he aa pehmi cu Bawipa he thlarau in pakhat an si. Nu le pa sualnak kha hrial ko u. Sualnak dang nih cun mi hi a pum kha a hnorsuang lo, asinain nu le pa sualnak a tuahmi nih cun amah pum cung hrimhrim ah khan sualnak a tuah a si. Nan pum cu Thiang Thlarau biakinn a si kha nan hngal lo maw? Cu Thlarau cu nan chungah a um i Pathian nih an pekmi hna a si kha nan hngal lo maw? Nannih cu nanmah ta nan si lo, Pathian ta nan si; a man in cawkmi nan si. Cucaah nan pum cu Pathian sunparnak caah hmang u.”( 1Cor 6:15-20)

“A zum lomi hna he i fon cetcut tuk in riantuan ti hlah u; cucu a si kho lomi thil a si. Zeitindah a dingmi thil le a ding lomi thil cu hawikom an si khawh lai? Zeitindah ceunak le muihnak cu hmunkhat ah an um ̣i khawh lai? Zeitindah Khrih le Khuachia cu an lung aa khah khawh lai? Zumtu le zumlotu nih zeidah an ngeih ̣i khawhmi a um? Zeitindah Pathian biakinn cu lawkihmi siasal he an i tlak khawh lai? Zeicahtiah kanmah cu pei a nungmi Pathian biakinn cu kan si cu. Pathian hrimhrim nih,
“Ka mi hna sinah ka umnak inn cu ka sak lai i an sinah ka um lai; Keimah cu an Pathian ka si lai i annih cu ka mi an si lai,” a ti bantuk khan a si taktak. Cucaah Bawipa nih, “Annih cu nan kaltak hrimhrim hna lai i an sin cun nan i ̣hen hrimhrim lai. A thiang lomi kha zeihmanh tawng hlah u law kan cohlan hna lai. Keimah cu nan pa ka si lai i nannih cu ka fapale le ka fanule nan si lai, tiah Bawipa Lianngan Bik nih a ti,” tiah a ti. (2 Cor 6: 14-18)

“Cucaah nannih Jentail mi hna, ramdang mi le khual nan si ti lo; Pathian mi hna he cun laikhat nan si cang i Pathian innchungkhar chung mi nan si cang. Nannih zong lamkaltu hna le profet hna nih a hram an rak bunhmi cung i sakmi inn nan si ve cang i a kil lung cu Khrih Jesuh kha a si. Inn cu a ningpi in i then liangluang loin hmunkhat ah a dirtertu cu amah kha a si i Bawipa biakinn tling ah a chuahcanhtu cu amah thiamthiam kha a si. Amah he nan i pehtlaihnak thawngin nannih zong hawi dang vialte he, Pathian nih a Thlarau in a umhnawhmi inn ah ser nan si cang.( Eph 2:19-22)

“Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai. (1 Pet 2:5)