BIBLE NUMBER HNA

BIBLE CHUNG NUMBER HNA (SCRIPTURE OF NUMERICS)

1. Pakhat – Pathian

  • Bawi pakhat, zumhnak pakhat, tipilinnak pakhat lawng a um. Pathian cu pakhat lawng asi (Efe. 4:5).

2. Pahnih – An i fonh (Nawlbia thar pahnih) 

  • Jesuh nih cun Bawpa na Pathian cu na lungthin dihlak le na ruahnak dihlak le na nunnak dihlakin na dawt lai; hihi anganbik le abiapibik mi nawlbia cu asi. A hung changtu biapibik nawlbia cu, cu bantuk ṭhiamṭhiam cu asi. Na innpa cu nangmah naa dawt bantukin na dawt lai (Matt. 22:38-39).

 3. Pathum – Pathian veelngeihnak number  

  • Ahmun zungzal mi thil pa (3) a um, cuhna cu zumhnak, Dawtnak le ruahchannak an si i, cuhna lakah anganbik mi cu “Dawtnak” asi (1Kor. 13:13).

 4. Pali – Vawlei number

  • Lo chungah thlaici a vorh tikah acheu cu lamhril ah an thla i, cuhna cu vate nih an char hna. Cun, acheu cu vawlei tlawmte a umnak lung tamnak hmunah an tla, vawlei cu a chahlo caah thlaici cu an keuh zau, ni a hung chuak i thlaikheu hmetete cu a hun emh hna tikah a hram kha a thuhlo caah an car zau. Cun, thlaici acheu cu hling lakah an tla, hling nih cun a zual hna i an ṭhankho lo. Hmansehlaw a palinak thlaici acheu cu vawlei ṭhatnak ah an tla i a let 100, let 60, let 30 in an vui (Matt. 13:4-8).

 5. Panga – Veelngeihnak number (Minung cung laksawng pekmi pa 5)

  • Acheu cu Lamkaltu ah a ser hna, acheu cu profet ah a ser hna, acheu cu Thawngṭha chimtu ah a ser hna i acheu cu tlangbawi hna le cawnpiaktu say (catechist) ah a ser hna (Ef. 4:11).

 6. Paruk – Minung number (Pathian ralthuam tling)

  • Taisawm caah biatak kha fektein i sawmh uh, nan ṭangphaw caah dinnak kha i benh uh, zumhnak kha phaw caah i ken zungzal u, cu phaw cun khuachia nih mei bantuk asimi thal in an kah hna tikah nan rak hmihkhawh hna lai. Cun, luchin caah khamhnak kha i chinh ulaw, thlarau nih an pekmi hna vainam caah Pathian bia kha i lak u (Efe. 6:14-17).

 7. Pasarih – Thiang Thlarau number (Pathian rian pa 7)

  • Pathian biachim thiamnak asiahcun zumhnak kan ngeihmi ning khan kan hman awk asi; midang ca rianṭuan kha asiahcun cuticun kan ṭuan awk asi. Cawnpiak kha asiahcun kan pek hna awk asi; kan ngeihmi thil midang hrawmve asiahcun siangtein kan hrawm hna awk asi. Nawlngeihnak kha kan laksawng hmuhmi asiahcun fakpiin rian kan ṭuan awk asi; midang zaangfah kha asiahcun lunglawm tein kan zaangfah hna awk asi (Rom. 12:6-8).

 8. Pariat – Luatnak, himnak number

  • Buanchuhkcho in luat awkah lawng chung i a lutmi hna cu Noah le a nupi, a fale pathum (3) hna le an nupi hna, an dihlak in pa (8) an si (Gen. 7:7).

 9. Pakua – Thlarau theitlai pa (9)

  • Thlarau nih a chuahtermi hna cu dawtnak, lawmhnak, daihnak, lungsaunak, zaangfahnak, ṭhatnak, zumh awktlak mi sinak, toidornak le mah le mah i tei, i uk khawhnak tehna hi an si (Gal. 5:22).

 10. Pahra – Tlamtling number (Pathian Nawlbia pa 10)

(1). Keimah hleiin pathian dang nan bia lailo.

(2). Vancung i a ummi thil sihnaseh, vawlei i a ummi thil sihnaseh, tichung i a ummi thil sihnaseh, vawlei tang i a ummi thil sihnaseh, cuhna mui he aalo in siasal zeihmanh nan i ser lailo.

(3). Bawipa nan Pathian min cu ningcang loin hmang hlah u, ningcang loin Ka min a hmangmi cu dan ka tat hna lai.

(4). Sabath ni kha philh hlah u, Bawipa caah va hmang u.

(5). Nan nu le nan pa kha upat hna u.

(6). Lai nan nawng lailo.

(7). Va cungin pa nan i duh lailo, nupi cungin nu nan i duh lailo.

(8). Nan fir lailo.

(9). Nan minung hawi cungah tehte dinglo nan si lailo.

(10). Nan innpa inn kha nan mit a thi lailo, a nupi siseh, salpa siseh, a salnu siseh, a cawtum siseh, a laa siseh, a ngeihmi thil paohpaoh si hna seh, nan mit a thi lailo (Ex. 20: 3-17).

Acunglei i nawlbia pahra (10) chungin number (1-4) tiang hicu Pathian cung i tuah le zulhawk asi i (5-10) tiang hicu vawlei minung pakhat le pakhat cung i tuah le zulhawk rian asi.

Add new comment

1 + 0 =