Cohlan thiamnak

Photo Credit

 

  • Nihin thawngtha bia chung kan hmuh mi cu Bawipa Jesuh Khrih nih Judea ram ah tipil nak a pek hna nak kong a si. Tipil pe tu Johan zong cu ka ram ah cun tipil nak a pek ve hna. Mi tampi cu Jesuh nih tipil nak a pek hna nak ah khan an kal i tipil nak an in kha Johan hnu zul tu hna nih an hmuh tikah minung an si ve bangin nachuahnak an lungchungah a hun um.
  • Johan sinah mi an ra i Khrih na si maw tiin bia an hal tikah toidor nak lungthin he Khrih ka si lo. Nan hngah mipa zong ka si lo. Kei cu Khrih hmai ah a kal i lam a remh tu sawh sawh ka si ko tiin zeihmah thuhnak thinlung ngei lo in a rak leh hna.
  • Johan cu a rian kha tha tein a hngal i a cohlang thiam mipa a si. A cungah rian khianh mi kha a nun chungah tha tein a tuah i a tuan tu a si.
  • Kan nih pakhat cio hna zong ruamkainak thinlung ngei lo in Johan bangin Jesuh Khrih kong a phuang tu le a nun pi kho tu kan si cio hna maw; ruat cio hna u sih.
  • Thla kan cam hnga ding mi cu: “Maw Bawipa, toidornak lungthin he a nung kho tu rak ka si ter ko sawh” tiin thlacam hna u sih.

Add new comment

2 + 4 =