Daihnak

Photo Credit
  • Kan Bible cathiang chungah Thuro kong he pehtlai in hmun tampi ah kan hmuh khawh. Kan Bawipa Jesuh Khrih vancung a kai hnu Thiang Thlarau Pathian a rungtum tik zongah Pathian le minung remnak caan ah Thuro vate mui in langhter asi.
  • Biakam hlun chung um Noah tuan bia kan zoh tik zongah Thuro vate konglam hi a biapi ngai mi dirhmun in kan hmuh khawh. Buanchukcho ah Noah nih Langak cu a thlah i a rak kir ti lo tikah Thuro vate cu a thlah tthan i a sin ah a rak kir than. Cucaah, thuro cu “zumhtlak mi hmelchunhnak” vate tiah ruah a si.
  • A voi (2)nak a thlah than i Olive thingnge no a hngah he cun a hmur te in aaseh i Noah sinah cun a rak kir than. Cu tikah Noah nih Tlang le thingram hna an lang than cang tiah a hngalh. Cu caah “hngalh thiamnak” a san ning zong kha a langhter ve. Olive thingthei an ei bantukin a mu zong chiti thiang ah an rial I an hman. Oliv thing hnah tevate nih a rak putnak cu a “nuammi caan sunglawi a langhter hlei ah thil tampi hmuhnak le rumnak hmelchunhnak” zong a si.
  • Cu hleiah a biapi bikmi cu Thawngtha Bia chungah “Pathian ngaihthiam nak kha hmuh in khamhnak hmuh nak ding thawngtha” kha a si. Zungzal a nungmi Pathian le minung hna kar ah remnak le daihnak a chuahter tiah hmuhsak nak a si. Cu caah Thuro cu daihnak hmelhchunhnak caah hman mi a sunglawi bik le aa dawh bikmi vate a si.

Add new comment

1 + 0 =