Dawtnak kut Pariat

Photo Credit

 

Voikhat Bible relnak – Hebrews 4:1-5,11

Thangtha Bia – Mark 2: 1-12

  • Nihin thawngtha bia kan theih mi cu minung pali nih a ke a zeng mi pa kha an rak zawnh i Bawipa hmai a phanh khawhnak hnga ding caah an bawmh nak kong a si. Gospel tial tu pa nih hi mi pali hna hi a ho an si kha a langhter lo. A nua rual maw an si hnga? Hawikom maw an si hnga? A fiang ngai mi cu hi mi pali hna nih Jesuh cungah an i bochan nak kha fiang tein kan hmuh khawh mi a si. Hi hna zong hi Jesuh thawngtha bia a ngai bal mi le khuaruahhar nak a tuah mi an hmu bal mi an si ti cu a fiang ngai mi zong a si.
  • Kan pawngkam um mi hna hi kan mah pakhat cio hna caah zeitluk in dah an biapit. Midang cung kan bawmh hna a si ah cun nikhat khat harnak kan ton tik zongah bawmhnak kan sin a hung phanhter tu hna an si kho.
  • Mi zengmi pa a damnak kong kan zoh tikah taksa dam nak lawng zoh hna hlah u sih. Mi nih an hmuh mi cu taksa dam nak a si men lai. Sihmahsehlaw, thlarau damnak hmuh hi a bia pi deuh mi a si. Jesuh nih: “ka fa, na sualnak cu kan ngaihthiam(Mk 2:5). Jesuh sin kan phanh a si ah cun taksa lawng si lo, thlarau damnak zong kan hmuh hrimhrim.
  • Jesuh nih damnaka pek lio te ah khan nahchuahnak a ngei mi hna zong an um: “Zeitindah titihin, Pathian ralchah in bia chim a ngamh hnga?”(Mk 2:7). Pathian sin a tangmi hna cu satan nih a tukforh lengmang ko hna lai. Jesuh Khrih thawngtha a chimnak hmun hmanh ah pei khuavang hna zong an um ve cu. Sihmahsehlaw, Bawipa nih bia chimnak nawl a pe hna lo.
  • Midang cungah bawmhnak a pek kho tu si khawh i zuam zungzal hna u sih. Mi zeng pa a phor mi hna sining hi kan zoh tikah pakhat le pakhat cungah dawtnak an ngeih mi hi fiang tein a lang. Cu dawtnak nih cun a zengmi siseh, thihnak siseh, that lonak vialte a tei khawh dih ti hi kan hmuh khawh mi a si.
  • Thla kan cam hnga ding mi cu: “Maw Bawipa, pakhat le pakhat huatnak siloin, Dawtnak in a thleng kho tu ka siter ko sawh” tiin thla cam hna u sih.

Add new comment

11 + 1 =