Dawtnak in sakmi Innchungkhar

Nunchung caah a fek ngaimi chungkhar cu a hopoh nih sak cio a si tawn. Mah chungkhar hna i an i dawtnak hrampi cu, mah an Innchung khan aa thawk  i ni fatin an tharchuah  zungzalnak in a hmunmi  a si, ti a si.

Kan dawt tuk, ti hi zeitindah  kan fianter hnga? Kan dawt ti mi hi zei sullam dah  a si ti hi kan nu kan pa, ngakchia le kan pi pu hna sin in rak cawn lengmang a si tawn. A ngaingai cu kan dawt tuk tiah kaa lawng in chim  lo in  dawtnak taktak he tuah ttuanpiak, (or ) tuahsernak in langhter ding a si.

Kannih vialte nih nangmah cu kan dawt tuk ti kha kan cung i a sualmi kan ngaihthiamnak in siseh, kanmah zong nih mi cung kan sualpalh tikah ngaihthiam kan hal tik ah, kaan dawt, ti mi kha  langhter cio a si tawn. Cu lengah midang nih kan cung dawtnak ngeih in ruahnak thatha an kan pek tikah, lunglawm thanuam te-in kan cohlannak thawng in kan dawtnak kan langhter a si ve. Cu lengah thintawi caan le harnak ton caan tikah thinsau lungfual in ngaihthiam zong khi dawtnak langhter a si ve.

Aa dawmi chungkhar nih cun nunchung vialte ah, an inn chung khar an i dawtnak kha an hawikom, an rianttuan hawi, an tlonlennak le mi bupi sin an umnak hna ah an langhter lengmang ttheu tawn. Bia chiakhaa, bia ttha lo, an chim bal lo i an um tu ning zong duh a nung tuk hringhran. Tangdor te in khua an sa. St. Paul nih cun, dawtnak cu dongh a thiam lo a ti (1kor.13 : 8).