A HMAANMI ZUMHNAK

Photo Credit

1. St. Paul

          Pathian cu zumh awk tlak a si i nang zong zumhawk tlak na si awkah auh na si. Upat a sinak kha zohhmanh; nangmah cu auh (kawh) na si; nangmah cu Pathian min a putu si awkah auh na si.. Zumtu

2. Vawlei phung zumhnak

          Mi vialte nih a khat tein ngeihmi zumhnak phunkhat a um; mah rawl hi thihnak a si lo ti bantuk, Paula tikulh a um ti bantuk khi Pathian kha a zum i a therphang mi khuachia he kan i hrawmmi zumhnak phun zong a um ve. Sihmanhsehlaw mah zumhnak phunhnih nih cun khamhnak an pe lo.

3. A hmaanmi zumhnak

          Nangmah nih a hmaanmi zumhnak na ngeih hrimhrim a hau. Nangmah cu na lungthin chungah zumh awktlak a simi na si a hau. Nangmah nih Pathian cung i na zumhnak kha a thiang tiah na langhter a hau. Zeitintiah zumhawk tlak a simi pa cu mirumbik pa nak in a rum deuh. Mirum pa cu lenglei langhnak lawngah a rum i a thlarau ahcun a si a fak.. a si i nannih nih tam chinchin kha nan kawl. Sihmahsehlaw zumhtlak a simi pa cu, rawl le hnipuan lawng ka herh ti a hngalh i, rumnak kha a ketang ah a chiah i a lung hna a ngam.

          "Zumhnak lo cun Pathian lungton a si kho lo. "Khrih nih nawlbia kan pek: "Na nu na pa, na far, na nupi, na inn kaltak law ... zeizong vialte zuar dih law ... nangmah pum lila kha i hlaw ... " Mah nawlbia hna hi kan zulh ahcun Pathian lung a si lai. Sihmanh sehlaw mah nawlbia hna vun zulhawk ahcun zungzal nunnak hi kanmah ta le kan dawtmi hna ta a si lai tiah kan zumh hrimhrim ahau. A nawlpekmi a kan ngaihter kho mi cu Khrih nih zungzal nunnak kong bia a kam mi kan zumhnak kha a si; a nawlbia pekmi vun zulhnak nih Pathian lungtong mi ah a siter lai.

          A hmaanmi zumhnak nih lungthin kha a ceuter i theihthiam nak kha a pek. Isaiah le a hnu ah Augustine nih an chim: "Nangmah nih na zumh lo ahcun, na theithiam lai lo." Kannih nih Khrih nawlngaih nak in a nawlbia kha kan tuah hmasa lo ahcun zeicadah kan inn le kan chungkhar cu kan chuahtak hna lai. Zeicadah vawlei le kan mah nunnak lila kha kan huat lai, zeicadah zeizong vialte kha kan zuar dih lai ti kha kan theithiam bal lai lo.

4. Abraham zumhnak

          Abraham nih thil tampi kha `ha tein a tuah hna. Sihmansehlaw a zumh hlantiang Pathian hawikawm tiah auh a si bal lo. Abraham nih Pathian nawl pekmi kha a ngaih i a nu le a pa, a khuaram, a unau rualchan cingla le a inn kha a chuahtak. Zeicatiah Pathian nih miphun nganpi ah kan ser lai tiah bia a kammi kha a zumh. Cun a tar leiah Abraham nih a fapa ngeihchunh kha raithawinak in na ka pek lai tiah a fialmi kha a ngaih. Zeicatiah Pathian nih amah thawngin miphun nganpi kha a chuahter khawh rih ko tiah a zumh.  Abraham zumhnak cu Pathian nawlpekmi a ngaihnak khan a lang.

5. Peter zumhnak

          Jesuh nih ti cung i a kal pah khan Peter kha "Ra" tiah a uah. Peter nih a ngaih, Khrih nih a chim caah ti cungin ka kalkho lai tiah a zumh, i a tuah kho taktak. A hmaanmi zumhnak cu Khrih nawlpek mi tuahnak nih khan a zulh. Sihmanhsehlaw Peter nih a zumhnak kha a vun thlah i a pil ko. Peter nih thla a cam i Khrih kha a auh. Khrih nih a vun bawmh i hlip hlaunak kha a vun hmuh `han i Khrih he ti cung khan lawng  umnak lei ah a kal `han. Kan zumhnak fehter awkah thla kan cam i Pathian sinah kan au. "Ka zumh ko, ka zumhlonak ah ka bawm tuah".

6. Na zumhnak nih midang kha a khamh khawh hna

          Capernaum khua i mizeng pa cu zumhnak zong a ngei lo i `hatnak zei a tuah ti in hngalh a si lo. Sihmanhsehlaw amah kha Khrih sinah a rak pu mi hna nih zumhnak kha an ngei: "Khrih nih an zumhnak kha a hmuh". Mi zengpa cu a dam, a zumh i khamh a si. A rak putu hna nih an zumh, mizaw cu khamh a si.

          Lazaru a thi. A farle hna nih an zumh i Lazaru cu a nung `han.

7. Donghnak bia

          Zumhnak cu Pathian nawl pekmi leiah thlarau a kainak a si. Pathian nih Demas kha suimilam tlawmpal a zumh hnu ah a khamh. Miding cu zeitluk indah a khamh chinchin hna lai? Zumhnak cu nangmah chungin a rak chuakmi a si. Zumhnak chungah Khrih nawlpek mi hngalhnak le nawl pekmi hna zumhnak kha a tel. Zumhnak cu mah nawlbia hna zulhnak nih a zulh awk a si. Mah bantuk zumhnak nih zungzal nunnak kha a chuahpi. Mah zumhnak laksawng a cohlang hngami kan si cang.

Add new comment

1 + 2 =