I Cohlaan Thiam. . .

Lawmnak biachimnak

I Cohlaan thiam!!!

Mah le mah i hal ding a si mi bia hna cu: “Zeibantuk thil tha hna hi dah ka ngeih hna?” Nikhat chungah voi thawngkhat hrawng i hal  hmanh. “Nihin ni ah zeibantuk thiltha hna dah an um?” “Kan pa nih zeibantuk thatnak hna hi dah a tuah hna?” “Ka fa le hna zong nih zei thatnak dah an tuah ve?” “Nihin ni ah rian ttha tein ka tuan kho ko hna maw?” A bik in: “nihin ni ah kei zong hi tah zeitin dah ttha tein ka um kal ning an si?” Bible cathiang chungah Pathian muisam in ser kan si nak kong aa tial mi a hman a si ah cun, nangmah le nangmah aa cohlang kho mi minung na si ko lai.

Thil umtu ning hna le an sining cio cungah cohlan thiam nak thazang na ngei ko. A herhmi cu can tlawmpal lak in ruah thiam ding lawng a si ko. Theih ding a si mi cu, “dawtnak lawng nih tihphan nak a tei khawh” ti hi a si. Cohlan thiamnak zong cu dawtnak phunkhat a si ve. Bawipa Jesuh nih thinghmui hma ngei mi pahra hna a damter hna lio caan zongah khan pakhat lawng nih Bawipa sinah lawmhnak bia chim  dingin a hung kir tthannak kong zong kan theih. Jesuh nih a hal mi cu, “A dang pakua hna tah khawzei ah dah an um” tiah a ti. Mah caan lio ah khan minung pahra hna cu taksa lei in an zawtnak cu dam ter an si ko; sihmahsehlaw pakhat lawng taksa lei in siseh, thinglung lei in siseh damter a rak si. Cu a si caah cohlan thiamnak in nangmah le nangmah i thop thiam ve ko.

Cohlan thiamnak kong tlawmpal in ka hun langhter tthan a si ah cu, bianabia ah Bawipa sin in kan hmuh mi a vel thluachuah: “khuahmuh khawhnak, din-ei khawhnak, theih hngalh khawhnak, um-kal khawhnak, muisam dawh ka ngei, si lo ah, ka nu ka pa mithmai ah cun aa dawhmi muisam ka  ngei” tiin Pathian nih kan cungah a kan tuah piak mi thluachuah hna cungah cohlan thiamnak le lawmh thiam nak ngeih zungzal a herh. Na si-ning chungin Pathian sinah lawmhnak chim zungzal ko.

Add new comment

2 + 3 =