JESUH VANCUNG KAI PAUI

-Lamkaltu 1:1-11
- Psalm 47:2 - 3, 5 - 6 - 9 (Lehnak 47: 5) –
- Heb. 9: 24 – 28
- Luke 24:46- 53

Bawi Jesuh vancung a kai hi vawlei cungah amah a caan a dihnak le vawlei cungah Bupi aa thoknak hram a si.

Bible chungah number 40 hi sullam ngei ngai in a um. E.g Jesuh thihnak in a thawhthan hnuah vawlei cungah ni 40 khua a sa. Moses nih tlangcung a kai i ni 40 rawl ulh in thla a cam. Israel miphun hna kum 40 chung thatse ram ah an um. Elijah ni 40 thatse ram ah rawl ulh in khual a tlawng ti bantuk in kan hmuh khawh.

Jesuh vancung a kai hi a zultu hna caah sullam pahnih in kan hmuh khawhmi cu a hram thoknak le donghnak ti in kan hmuh khawh i a sullam cu zultu pawl he muihmuh in khuasak tintuknak caan a donghnak a si i hramthawhnak cu zultu hna sinah thiang thlarau in an sinah um hram aa thoknak ni a si.

Jesuh nih a zultu hna kha vancung ah kai taak hmanh hna sehlaw zultu pawl an lung a zawr lo. Ara than lai timi ruahchannak in an i lawm. A ruang cu nan sinah vawlei caan dongh tiang kan umpi hna lai tiah bia a kamh hna caah a si.

Hmanungbik Jesuh bia nih khan Khamhnak rian caah thihnak a innak le sunpar lianngannak he a thawhthannak hna hi vawleicung khuazakip ah tette si dingah zultu hna le kannih vawleicung um Khrihfa vialte a kan cahtak mi a si.

Khamhnak thawngtha chim dingah minung pakhat cio nih rian kan ngei i tuan a herh. Kan tuan tikah kanmah lawng nih kan tuan lai lo. Amah Jesuh he i bawmh in kan tuan a hau lai.