Kan damnak Bawipa

Photo Credit

 

Voikhat nak Bible - Hebrews 2:14-18

Thawngtha Bia     - Mark 1:29-39

“Jesuh nih cun zawtnak a phunphun in a zawmi mi tampi kha a damter hna I khuavang tampi kha a thawl hna”. (Mk 1:34)

  • Nihin Thawngtha Bia ah kan rel mi cu Simon le Andrew inn ah James le Johan hna he an kal i Simon nupi nu a zawtnak in a damter than nak kong le cu ka khua i a um mi mi tampi hna an zawtnak phun tling in a damter hna nak kong a si.
  • Jesuh cu midang inn ah a kal i harsat ngaihchia in a um mi hna kha a va leng hna. An thilrit kha a zanter hna. Abikin a dam lo mi hna le a tlam a tling lo mi hna kha a damter hna. Mitcaw hna zong nih khua an hmu than i thlarau tha lo nih a tuah mi hna zong damnak an hmuh than.
  • Pathian rian a tuan tu kan nih pakhat cio hna zong nih pawngkam um harsa hna le a dam lo mi hna sin ah kal in thlarau thazang hnemnak kan pek ve hna cio awk a si.
  • Jesuh Khrih cu a sin ah bawmhnak a hal mi hna paoh kha bawmhnak a pe tu a si. Kan pawngkam cio hna zongah taksa lei in harsat nak a tong mi mi tampi an um cio. Kan ti khawh tawk in bawmhnak kan pek ve hna cio awk a si. Cawhva lei in siseh, thlacampiak nak lei in siseh thazang chuah cio hna u sih.
  • Jesuh mihmai zoh in midang kha zeitluk in dah bawmhnak na pek ve cang hna, hawi dawt?
  • Thla kan cam hnga ding mi cu: “Maw Bawipa, midang cungah bawmh duhnak lungthin run ka ngeihter zungzal ko sawh” tiin thlacam hna u sih.

Add new comment

2 + 13 =