Kan nun caan te ah…

Photo Credit

Hi vawlei cungah minung hna hi a phu in a nung mi le pakhat le pakhat aa bawmhchan i a nung mi kan si. Micheu cu an cungah tthatnak a rak tuah tu hna kha an nunnak ah an philh hna lo, an lawmh hna i bawmh an herh caan paoh ah pek khawh ve ding in aa zuam mi an um bangin; micheu tu cu lawmhnak biachim hmanh a philh mi an um. Harsatnak ton caan zongah i theihter duh loin thangchiatnak le kong ceihnak tu a hmang mi an rak si tawn.

Lester Flatt le Earl Scruggs nih an rak sak mi hla “Give me flowers while I’m living” “ka nun lio tu ah na pangpar ka pe ko” timi hla chungah dawtnak le lawmhnak biachimnak hna cu ka nun lio tu ah ka pe ko, ka thih tiang hngak duh hlah tiah a ti.

A chim duhmi cu thih hnu lawngah ruakkuang pawng in thangtthatnak tuanbia tthatha chim le ruak thlah tik thlaanmual ah pangpar dawhdawh chiahpiaknak in; kan nun lio caan te ah hin pakhat le pakhat i dawt, i bawmh, i zawnruah thiam hi a biapi deuh ti a si.

Add new comment

2 + 12 =