KUMTHAR BIACAH (CARDINAL CHARLES)

MYANMAR CARDINAL NIH ZAANGENNAK HMANG LOMI MESSIAH BAWIPA JESUH KHA COHLANG IN DONDING A FORHFIAL ~HAN

Myanmar Cardinal nih zaangennak hmng lomi Messiah Bawipa Jesuh kha cohlang i donding tiah amah i Christmas le kumthar thawng`habia thanhnak ah a rak forhfial `han.

“Minung vawlei cu keimah timi lungthin le huatnak hna i zaangennak hna ruangah rawhmaan dihlo dingin kan nun lamthluan innka hna kha hung usilaw zaangennak hmng lomi Messiah Bawipa kha lutter uh!” tiah Cardinal Charles Bo nih papek in a rak chim.

Asia Bishop hna Hmunpi president, Myanmar Cardinal sinin 2023 kum caah Christmas le (2024) kumthar thawng`habia thanhnak kha December 22 ni ah a rak chuah.

Yangon Archbishop Cardinal sinin, profet Isaiah 2:4 kha zohchunh in zaangennak hmang lomi Messiah Bawi kha kan donnak thawngin hrawhnak caah hmanmi hriamnam hna cu minung vawlei kha a sak`han i mi sifak hna le thazaang ngei lomi hna caah ningcangte sinak kha a phawrh piak `han mi thilri hna asi te lai nak kong a rak chim.

Pehzulh tein a chimchap mi cu; “Kannih kan fale hna zong zuanhnawh i dohnak caah tuahkel tuah lengmang in cawnmi nakcha in, a kan zaangfahtu Bawipa Pathian sinin nunnem mi thinlung asi dingah kan cawncio ding tu asi” tiah biapi ah chiah in a rak chim.

Messiah Bawipa Jesuh cu zaangennak tuahnak hna kha ngal loin a ralchanh- a doh i, amah i `uanvo cu thloppiak ding, sak`han ding, tunmer `han ding, i rem`han ding, thazaang thar toih ding le thluachuah pek i ngaihthiam ding asinak kong kha Myanmar Cardinal nih Christmas le kumthar thawng`habia a thanhnak ah a langhter.

“Donnak a tong lomi Messiah kha don cio usih! Hi lam cu kannih i sifah harnak khor cungin hnuhchuahnak dingah ningcang pakhatte asi” tiah Cardinal nih a rak forhfial `han.

Add new comment

9 + 0 =