Laksawng Pakhat bangin mah le mah remh

Umm chung pangpar a kung remhmi

Laksawng Pakhat bangin mah le mah remh

Covid-19 zawnak  thil kan ton ruangah lengchuah i sumnak kan tuah mi hi a ho hmanhnih kan cungah siseh tiah kan i thim mi an si lo. Quarantine chungum ding zong a hohmanh nih i tinh cio mi zong a si lo. Sihmahsehlaw pakhat cio nih mah le mah i hal ding a um mi cu: hi bantuk thil kan ton mi hi chiatserh kan si ruangah a hung chuak mi maw a si ? Si lo ah a thar in Pathian thluachuah kan hmuh nak hnga ding caah dah a si deuh hnga?

Hi kong he pehtlai in tuan deuh keimah pumpak tonmi thlarau lei kar ka hlaan nak kong ka hun zoh tthan tikah ka hun i fian mi cu: “na cungah thil pakhat khat a hung tlun tikah mah le mah i sumnak hi a har ngai ko lai. Sihmahsehlaw, na tuah mi hna cungah (control) sumnak cu na tuah khawh cikcek hrimhrim ko.” Cu cu thlarau lei kap in kan zoh a si ah cun a thawng ngai mi nun-thlennak pakhat a rak si.

Lengchuah loin inn chungah i hrenh hi a fawi hrimhrim lo mi thil pakhat a si bantukin, mah le mah hmai lei nun-lamthluan caah timhtuahnak pakhat a si ve ti zong in na cohlan khawh ko. I ruahchannak, timhtuahnak kan ngeih mi cu hmai lei kan ca thil a si hnga ding mi caah kan zeizong vialte an si ko hna. Tu lio bantuk, innchungah i hren khumh lio caan hna ca lawng si loin hmailei nifatin kan nunnak hna ca zongah i sumnak in teinak kan hmuh khawh nak hnga ca zongah an si.

Kan peh tthan lai. . . .

Add new comment

12 + 8 =