Luke 16:1-8

Voikhat ah mi nu pakhat a rak um ti a si. Nikhat cu leng ka chuak lai i inn caah a herh mi thilri ka caw lai tiin dawr lei ah kal a tim ti a si. Mi nu nih cun a inn chungin leng lei ah ka chuak lai tiah innka a hun i leng chuah dingah a kar a hun hlan ah khin aw pakhat a theih: “Na kar hlang lai ci, naa ngaihchih sual lai” tiin thawngpang pakhat a hun thieh.  Inn ka in leng lei a ke a chiah hlan ah inn ka cung i dawh tein an tar mi nengpi lu a hmaika ah a hung tla. Pawngkam a zoh ko nain a ho hmanh a hmu hna lo.

A thaizing ah mi nu cu thil cawk ding phone chawnh pah in leng ah a chuak . Lampi a hun phak tikah a theih bal mi aw pakhat a hun theih than: “Na kar hlang lai ci, naa ngaihchih sual lai” timi aw thawng a hun theih than. Aw thawng a theih a dir bak khin a hmai ah cycle le motor an i pah i fakpi in an in khawn den kha thin phang ngai in a hmuh. A lung chungin a ruah mi cu: “Aw thawng ka theih mi ngaih lo in ka kal sual ah cun lohtlau ka si ko lai hi tah, siloah a thih hmanh ka thi kho men” tiah amah le amah aa ti. A pawngkam cu a hun cuanh than i a ho hmanh an um fawn lo.

Cu tik ah mi nu nih cun: “A tha, a ho dah na si” tiah a ti. Cu tik ah aw pakhat nih: “An zohkhenhtu Vanmi ka si” tiah a ti. Mi nu nih cun: “Cu ti a si ah cun a tha; ka va pa he kan i thitumh lio ah khan tah khawi ka ah dah na um?” tiah a ti.

A caan ah kan lungthli tum in biakhiah nak kan tuah mi hna cungah kan i ngaihchih caan tampi a um. A siloah, midang cungah kan chim sual mi biafak hna cungah kan i ngaihchih theu tawn.

Zei ruangah dah kan Bible cathiang chungah Bawipa nih “Thil Zohkhenhtu Mihrokhrawl Pa” kong hi a cawnpiak nak bianabia ah a hman hnga, ruat ve hmanh.

Add new comment

16 + 4 =