Lunglawmhnak Chuahter tu si khawh i zuam

Pakhat le pakhat kar lak ah i zumhnak ngeih khawh timi hi Pathian laksawng phunkhat a si. I zumhnak in pakhat le pakhat kan ngeih mi kan i pe hna i kan i cohlang hna. Pakhat le pakhat cungah zumhnak ngeih timi zong hi i theih hngalh nak in a ra mi a si i konglam i theih nak hnga ding ca zongah pakhat le pakhat i hawi komhnak ngeih a herh. Chikhat na caan i pe law vun ruat ve hmanh. Aho he khin dah i theih hngalh nak na ngeih bik i na zumh bik mi an si. Na hawi nu na hawi pa na theih hngalh bantukin Jesuh he i theih hngalhnak na ngei kho cang maw? Jesuh he i theih hngalh nak hnga ding caah Amah kha kan len i bia kan chawnh zungzal a herh. 

Nihin ni caan tiang Bawipa Pathian sin in na hmuh mi laksawng hna kha ruat than hna law Pathian sinah lunglawmhnak bia chim philh hlah. Pathian nih an dawt, an zumh i nihin ni tiang a thluachuah in an um pi mi kha i thei zungzal. Cun Bawipa Pathian a thil ti khawhnak cung zongah zumh fek tein um zungzal. Na herh mi thil hna kha an pe dih kho tu le an bawm dih kho tu cu Pathian lawnglawng hi a si timi kha thei zungzal. 

Cun midang cung zongah Pathian nih an dawt bang khan dawt khawh ve hna i zuam. Bia thlum le bia dawh tawi tein na chimmi te hmanh nih khan na hawi dang hna cungah lunglawmhnak a chuahter khawh timi kha philh hlah. Pathian min cu thangthat si zungzal ko seh.