Minung dawtning

Pathian nih a kan dawt bangin kannih zong nih kan hawi budang, biaknak dang le kan ral tiangin kan dawt hna a herh (cf; Matt 5:44). Cu pin ah, Pathian nih minung nunnak caah a ser mi thingkung, saram le nunnak ngeilo ti, ni, tlang le lung hna le sermi thil vialte hna zong kha Pathian nih a dawt hna bangin kan dawt ve hna a herh i kan nunnak le thanchonak caah tha tein kan hman hna awk a si.

Zohchin ding Bible caang hna;

Matt 5:44 – “Nan ral kha daw u law, an hremtu hna caah thla campiak hna u.”
Heb 2:17 – “Labanon tupi ah thing na hau, atu ah nangmah hau na si cang lai, a saram pawl na thah hna, atu ahcun cu ramsa pawl hna tihnak in na khat lai.”
Matt 27:45 – “Chun laipi ah ramchung pumpaluk in chummui a tlung, Jesuh fakpi in a au than i a thaw a cat, cung Biakinn puanzar cu thenhnih ah aa then, li aa hnin i lungpi zong an kuai dih.”
Matt 23:23-26 – “Phungbia cawnpiaktu Saya hna le Farasi mi hna, nan caah ngaihchia a va si dah! Mi depde hna! … Nawlbia nih a biapi taktak a timi dinnak le mi zaangfahnak le zumhtlak mi sinak hna cu zeihmanh ah nan rel tung lo. Mitcaw pawl! Nan hrai chung i a ummi thil cu thianh hmasa ulaw, cu cun pei a lenglei zong cu a thian ve lai cu!”
Exo 1:15-20 – “Nau dongtu Sayamah pawl nih cun pa naute zong ha that loin an zuah dih. Pathian thatnak cu nau dongtu Sayamah hna cungah a tlung.”
Gal 6:10 – “Cucaah caantha kan ngeih fatin, aho cung paoh ah thiltha tuah hna u sih!”