MISSION SUNDAY

Photo Credit

Voikhatnak Bible - Is 45:1, 4-6

Salm - 96:1, 3-5, 7-10 (leh nak 96 :7 )

Voihnihnak Bible - 1Thes 1:1-5b

Thawngttha Bia - Mt 22:15-21

PHUNGCHIM DING A MURU

  • Pathian duh ning cu, Ramchung um mi kan si ahcun Pathian duh ning zulh le ram uktu nawl ngei ding kan si, ti hi a si. Pathian duh ning kan hngalh khawh lo ahcun Ram hruaitu nih miphun ca le Ram caah khua an khan mi zong kan lung a fiang kho lai lo i mah duh khuasa ah kan cang lai. Mah duh khuasa kan si ahcun ahohmanh nih an kan rem lai lo. Pawngkam he kan i rem lo ahcun Khrihfa kan si mi cu santlai lo ah a cang lai .
  • Ram uktu pawl kha an rian hmante le ding tein an ttuan khawhnak hnga thlacam piak ding kan si. Kannih zong nih zulhawk nawl an chuah mi kha kan zulh ding a si ve. Pathian duhnak tlamtlinter dingah uktu pawl ca a si zong ah, kanmah ca a si zong ah ruahnak kau deuh in le hmuhnak sang deuh in kan cohlan a hau.
  • Ramuk bawi hna nih nawl an chuah mi ngunkhuai pek ding caah ttavuan kan ngeih bantukin, Pathian sin in kan hmuh mi Thluachuah vel, chawva chungin cheuhra cheukhat lunglawm tein pek ding kan si ve. " Lunglawm tein a thomi kha Pathian nih a dawt hna. " (2 Cor 9:6-8)
  • Kan Pathian cu Jesuh a si. Ram uktu nawl kan ngaih mi le tangdor tein kan um mi kha kan Pathian nawl kan ngaih mi cu a si ko. Tangdornak thinlung kan ngeih mi nih pawngkam sinah zeizong vialte tlam a tlin ter khawh dih ko lai.
  • Sualnak nih sal cannak ah a kan phanh ter. Kan nun chung kan kalnak kan lam thluan ah hin kan zumhnak hi a fek mi le hninh khawh lo mi zumhnak a si awk a si. Kan tuahsernak vialte hi dawtnak in kan langhter awk a si. Kan i ruahchan mi kha kan mit thlam ah cuan ter in vawleicung kan lam thluan ah tangdornak le dawtnak in kan kal ahcun, midang sin ah Pathian a lianngannak le minung a kan dawtnak kha kan langhter khawh lai i, Pathian lei ah kan hruai khawh hna lai.

Add new comment

17 + 3 =