Mithang Lawrence

10^th August

ST. LAWNRENCE (+250)

(Deacon & Martyr)

            Sifak buangro hna kha a zohkhenhtu mithiang Lawrence cu Rome khua i Deacon pakhat a si. Amah cu Bupi thilri hna le a hlu hna kha kilven dingah `uanvo pekmi a rak si. Kum 157 ah Pope Sixtus II le St. Callixtus hna i vawlei tang thlankhor ah Deacon pali hna cu biatak caah thihnak an in hnu ah Lawrence cu a thiangmi Hrai kha a zuar i a kutcung tangka zapi kha mi sifak kha a pek hna. Amah i a sianzia, a hlu a pek khawhnak kongkha an theih tikah Rome Siangpahrang nih Bupi tangka hna kha a sinah rak put dingah nawl a pek.

            Nithum a rauh tikah Lawrence cu Bupi bawmhnak a hmumi, sifak vialte hna he an rak kir. Siangpahrang pa kha “hi hna cu Bupi tangka an si” tiah a ti. Siangpahrangpa cu a thin a hung i amah kha a fakbik hremnak in thah awkah bia a khiah. Lawrence kha a thilthuam phoihdih in a tangah a alhlio mi mei`il a ummi, nga le sa emnak thirlin pi cungah chuan awkah nawl a pek hna. Saupi sifah a in hnuah Lawrence nih Siangpahrang sinah a hoih i lunglawm tein a mirh i “Keimah ka pum kha ka lehpiak u, kap khat lei cu a hmin cang,” tiah a ti. A thih hlanah Rome khua aa thlen khawhnak caah thla a camtak. Adawh ngaimi Basilica an timi Biakinnpi pakhat kha a thlankua cungah Emperor Constantine nih a sakpiak.