Mithiang Louis

August, 25

ST. LOUIS (1214-1278)

(Mithianghlim pa)

            France ram Siangpahrang Louis cu 1214 kum ah Pouse khua ah a chuak. A nu nih amah kha Khrihfa `tha pakhat si awkah le hruaitu `tha pakhat si awk caah a cawnpiak. A nu nih “Ka dawt ka fapa, nu pakhat nih a fapa kha a dawt tlukin kan dawt ve. Asinain sualngan na tuahmi nakcha in ka ke hram ah na thih kha hmuh ka duhdeuh” tiah a titawn. Kum 19 a ti ah Siangpahrang fanu Magaret he a ni um i fa (11) an ngei. Louis cu kum 21 te a silioah France Siangpahrang a rak cang i aa phundang deuh mipa pakhat le uk khawhnak a theithiam mipa a si. A rian`tuannak paoh cu Pathian `thawnnak in mi sifak hna kha a khamh hna i mi `thatlonak kong kha zeitikhmanh ah a chimbal lo. Amah cu Bupi cungah dawtnak a ngei i sualthlahnak rian ah a laar khun.

            Mithiang Louis cu amah a dohtu hna cung hmanhah zaangfahnak a ngeimi a si. A pa bia a ngai i a rak dohtu Siangpahrang fapa pakhat kha thahnak nawl an pek tikah Louis nih cun a duh lo, “Fapa pakhat nih cun, a pa bia ngaih awk caah a al kho lai lo” tiah a rak ti. Amah cu 1250 kum ah biaknak lei raldohnak ah aa tel i a hruai hna caah thong an rak thlak. Thong a tlak lioah Pathian thang`hatnak thla a cam zungzal. Thong chungin a rak luat tikah France lei a kir hlanah a thiangmi hmunah a va lengta rih. Kum 1270 ah a dang biaknak raldohnak kha a tuah`than hoi. Asinain a ngandamnak a rawkcang i Carteit peng pawngah a rak thi. Amah i thlarau leikap thih ca a `tialmi ah, “Ka dawt ka fapa, nangmah le nangmah sualngan tuahawk naa timh hlanah zei bantuk hremnak na in laiding kha nangmah le nangmah na onhawk a si,” tiah a `ialtak.