Mithiang Monica

Monica mitthli tlaknak

27th August

ST. MONICA (331-387)

(A thianghlim mi)

            Mithiang Augustine i a nu a simi Mithiang Monica cu kum (331) ah chaklei Africa continent, Takastre khua ah a chuak. Amah i khuaruahhar a thinfualnak nih a zia a chia ngaimi varhirah zumhnak a ngeimi a va pa Patrisius cu a ziaza aa thleng. A thih hlan kumkhat aa duh ahkhan tipilnak a in. A fapa upabik mithiang Augustine zong cu amah caah piahtana nganpi pakhat ah a tang rih. Augustine cu a ngakchiat tein bu chungtel ding cazin ah a lut ko nain tipilinnak sacrament kong kha zeitik hmanhah thukpiin a ruat bal lo. Amah cu Manichian timi ralkalnak zumtu bu ah a luh hnuah cun pumsa nuamhnak lei kha a zualter chin. Augustine cu Cateigh ram ah fimnak a cawn lioah nungak pakhat he a ni um i fapa pakhat an ngei. Monica cu mitthli luanin sumnak, thlacamnak kha kumsau pi a tuah. A fapa he biaruah`ti awkah a rak nawlmi fimthiam Bishop pakhat pa nih amah kha Pathian ni a tlangte lai, na mitthli tlaknak ruangah na fapa cu a rawk lai timi cu a si kho lo tiah a rak ti.

            Augustine cu Italy ram lei ah a thlithup in a kal kha Monica nih a theih tikah Milan tiang a hmuh hlanlo a va kawl. A fapa a ziaza aa thleng cang tiah a theih tikah tahchunh khawh lo tiang a lung aa lawm. A rauh hlanah Africa lei ah rak kir ding in Monica cu kal hram aa thawk. Monica cu Austria tinbaw dinhnak ah tinbaw a hngah lioah fakpiin a zaw. Ahnubik bia a chim takmi cu “Ka nunnak ah hin zeithil hmanh nih lunglawmhnak a rak ka pe lo, ka nun zong hi nangmah kha Khrihfa pakhat sinak in ka hmu thiam ve hnga maw tiin ka nun hi a si” a peh rih mi cu “Ka pum kha na duhnak hmun ah rak ka vui ko u, ka fapa, pakhat hal kan duh mi cu, Pathian biak`theng hmaiah na nu kha rak thei zungzal” tiah a fapa kha a chimhtak. Amah cu kum (55) a ti ah a thi i Nu hna kha zohkhenh kilvengtu mithiang sinak an pek. Augustine cu a cauk chungah; keimah caah kum saupi tiang a mitthli a rak luangmi ka nu caah, nazi pakhattluk ka `tahmi cu ka palh tiah ka ruat lo” tiah a `ialtak.

Download:Audio icon st._monica.mp3

Add new comment

6 + 7 =