Mithiang Sebastian

 

January, 20

ST. SEBASTIAN (+288)

            Tlik, per, cheh zaang lentecelh hna kilven zohkhenhtu St. Sebastian cu France ram Nabuon khua ah a chuak i Italy ram Milan khua ah fimnak a cawng. Rome caah a lu aa pe mi mi ral`tha hna bawmhchanh awkah Rome Siangpahrang Carinus kut tang, ralkap ah AD 283 kum ah a rak lut. A ral`thatnak ruangah Rome Siangpahrang conghtu ralkap bu ah ralbawi a rak `tuan. Khrihfa a sinak kha fimzer tein a thuhpheh ko nain AD 286 kum ah an theih caah Rome Siangpahrang Dio Cletion hmai ah tazacawinak a ing i cantiang in a thih hlan lo kah dingah bia an khiah. Moritania li kah thiam hna nih Sebastian cu cantiang in an kah i a thi cang tiah an ruah caah an hlonhtak. Mibawmh zawnruah hmangmi Khrihfa nuhmei nu pakhat, Irine nih zohkhenh in a thlop caah a dam `thanmi Sebastian cu ral`tha ngai in Rome Siangpahrang hmai ah a kal hnu ah Khrihfa hna cungah thilhman lo in an hremnak kha sual a phawt. Rome Siangpahrang pa nih Sebastian kha a thih hlanlo Tanbo in a tukter hna hnu ah ek haang luti hor ah a thlakter hna. A ruak cu Lucina an timi, Khrihfa ah aa zuam ngai mi nu pakhat nih a hmuh caah congrete phahmi Rome Awaizan lampawng i khuahlan lungkuapi thlan chungah a rak vui. Atu ahcun, cuka hmun ah St. Sebastian Biakinn pi cu fekte in a dir.

Add new comment

3 + 1 =