Muihnak le Ceunak

Photo Credit

Zei ruangah dah muihnak, thinphan thlalaunak a daih khawh lonak hmun ah a um mi khi kan lawh ko hnga? Muihnak chungah um kan duh lo a si ah cun ceunak kan kawl tawn i ceunak chungah kan um tawn. Kan lung chungah muihnak lawng te nih a khuh dih rua kan ti lio zongah Jesuh kan kawl a si ah cun Jesuh ceunak chungah kan um ko lai. Jesuh nih: “Ceunak cu vawlei cung hi a rung phan ko cang, sihmanhsehlaw mi nih thil tthalo kha an tuah caah ceunak nakcun muihnak tu kha an duh deuh” tiah a ti.

Siloah ceunak kan kawl kan ti zongah hin a pelte lawng kan kawl tawn i muihnak tu ah kir tthan kan hmang tawn. Ceunak kan kawl mi a pelte kha kan nunnak him deuh seh, mi hrokhrol, mitthalo ka ti hna hlah seh, ka thangchiat dih cikcek hna hlah seh ti zong a si kho.

Biatak lunglawmhnak kan duh i kan kawl a si ah cun a kan pe kho tu tak ding cu a um ko. Amah nih kan nunnak ah dawtnak, ruahchannak, lunglawmhnak le sual ngaihthiamnak a kan pek khawh. Amah cu kan nunnak ah a vel in uk ding le nifatin kan nunnak ah pehtlaih nak tuah a kan duh zungzal tu a si. Amah min cu “JESUH”  a si. “Kei cu vawlei ceunak ka si. Keimah a ka zummi paoh cu nunnak ceunak kha an ngei lai i mui lakah an vai lai lo”(Jn 8:12).

Nifatin kan nunnak hna hi “TUAN BIA” an si. Jesuh Khrih he pehtlaihnak tling kan ngeih cang a si ah cun kan nunnak ah Amah nih rian a ttuan ko lai. Kan nunnak ah Jesuh nih rian a ttuan hnu ah cun nifatin kan ttial mi kan “TUAN BIA” hna hi aa dawh bikmi tuan bia an si ko lai.

Add new comment

16 + 0 =