Naa halkel mi bia zeidah an si?

Ngakchia pahnih bia ruahnak

Naa halkel mi bia zeidah an si?

Nangmah le nangmah nifatin naa hal lengmang mi biahal hna hi zeidah an si? Nifatin nangmah le nangmah pakhat tel cu naa hal mi a um ko lai. Cu cu na caah OS (Operating System) hmailei kal khawhnak hnga caah na hnu lei in an nam tu, riantuan tu pakhat bantukin an si. Mitampi nih cun nihin ka tuah mi ah zeidah ka palh hnga tiah an ti tawn.

Zinglei an tho i mah le mah hmanh i fiantuk lo (mikuhhmah vuaituk) loin an i hal mi cu, “nihin ah zei thil dah a cang hoi? Palh mi a um hoi maw?” tiin chun nitlak an ruahnak tha lo nih an mit a hun hna tikah: “kan pa hi zeitin dah a um hoi? Ka nu le ka pa hna zong hi zeitin dah an si hoi? Ka fale hna zong zei an can hoi? Ka rian si seh, ka hawi le si hna seh zeitindah an um dih, . tiah an ruah ruah bantukin; tih a nung ngai mi biahalnak tiang a hung um mi cu: “Kei zong hi zei dah ka palh?” tiin a ruah sual tawn. Ralrin ngai a herh. Mah le mah nunnak i lak tiang zong a phakter khawh mi a si caah a si.

Micheu khat nih hi bangin mah le mah biahal nak hi an tuah theu tawn. Palhnak le tthat lonak lawng te an hmuh tikah lungthin thazang a der ter i thih duhnak tiang ruahnak ttha lo a chuahter tawn. Mah palhnak, thazang dernak lawng te hmuh a si ah cun an mah le an mah hmanh an i cohlang duh hrim lai lo ti cu chim hau lo bakin theih khawh a si ko.

Phungdang in ka ruat hlah u law cu: “zeidah a palh” timi biahal nak hi kan tuah ding hrimhrim le kan ruah ding hrimhrim cu a si ko. Sihmanhsehlaw, ruah lo piin har ton caan ah dah kan ti lo a si ah cun nifatin a tu le a tu ruah ding le i hal ding cu a si hrim lo.

Bianabia ah, a tu lio chawnhkhawh a fawi ngai mi zawtnak caan lio ah hin kan ruah hnga ding mi cu: “thil kal ning hna hi zeitin an si hna i an um hna? Aho hi dah bawmh a herh taktak mi an si? Kei nih tah zeitin dah ka bawmh khawh ve hna lai?” ti mi hi cu ruah a herh mi a si ko. Cu ti a si ah cun, mah ruahnak kan ngeih mi te nih khan bawmh a herh mi midang hna caah riantuan khawhnak le tthathnemhnak tampi a chuahter khawh ko lai.

Cu a si caah mah le mah halkel ding bia hna hi zeidah an si hna hnga?

Add new comment

9 + 2 =