Nawlbia Ngan

Bupi chungah mithiang mi hna kan timi hna cu “Dawtnak lungthin he Pathian duhnak a zulmi hna an si.” An nun caan ah anmah duhnak nak in Pathian duhnak kha pakhat nak ah a chia zungzal mi hna an si.

Pathian nih a kan pek mi nawlbia hna hi kan cohlaan, kan zulh hna an si ah cun Pathian thluachuah kan hmu zungzal ko lai. Nifatin kan thlacam nak hna zongah hin dawtnak ah hrambunh in thla kan cam awk a si. A ttha bikmi sikaan le phunghram timi hna zong hi kan nunnak ah an um hlei lo. Pathian nih a kan pek mi nawlbia “Dawtnak” “Keimah nih kan dawt hna bantuk hin pakhat le pakhat nan i dawt awk a si”(Jn 13:34) timi nawlbia lawng hi Khrihfa mi hna nih a ttha bik le aa dawh bik in kan i ngeih mi nawlbia a si.

Khrihfa mi hna cu Pathian fanu/pa kan si caah Pathian nih a kan dawt bangin dawtnak lungput kan ngeih ve a herh. Pathian cu kan “Pa” (Mk 14:36; Rom 8:15; Galati 4:6)a si i Fanu/pa le hna cu nu le pa hna lungput a ngei mi kan si.

Pathian nih (Deut 6:2-6) chungah Moses hmang in Nawlbia Ngan a kan pek mi cu: “Thei hmanh, maw Israel: Bawipa hi kan Pathian a si, Bawipa lawnglawng hi; Bawipa na Pathian cu na lungthin dihlak le na ruahnak dihlak le na tthawnnak dihlak in na dawt lai” tiah a ti.

Jesuh Khrih nih Nawlbia Ngan a kan pek rih mi cu: “Israel mi hna ngai tuah u; Bawipa kan Pathian lawnglawng hi Bawipa a si. Bawipa nan Pathian cu nan lungthin dihlak le nan nunnak dihlak le nan ruahnak dihlak le nan thazang dihlak in nan dawt lai; cun a pahnihnak cu, Na innpa kha nangmah naa dawt bantukin na dawt lai, ti hi a si”(Mk 12:29-31).