Pathian cu Dawtnak a si (1Jn 4:8)

Pathian nih minung a dawttuk ruangah minung zong nih Pathian kan dawt ve a herh. Ziah tiah cun, Pathian cu dawtnak a si. Pathian kan dawt bantukin amah muikeng in sermi minung zong kan dawt a herh (cf; Deut 6:5, Lev 19:18).

Pathian le minung dawt ding timi nawlbia pahnih hi profet hna phungchimnak vialte a huap dih tiangin a biapi ngaimi nawlbia a si caah Jesuh nih a tu le tu “nolhthan” in voi tampi a chim (cf; Matt 22:37-40). Dawtnak cu fiangchin seh tiah “Pathian dawt ding kongah pathum, minung dawt ding kongah pasarih in ‘Nawlbia pahra’ chungah a chim”(cf; Gen 20:1-17).
Dawtnak cu pahra ah Bible zapi ah a cang.
Dawtnak kong cu vawlei hramthawh ka in an chim lengmang i nihin tiang a dong kho lo, a dong kho hlei lai lo (1Cor 13:8). Bible ah datnak le biadang pawl kha Pathian nih nolhthan in a chimmi tampi a um. Cu hna cu Pathian nih Vancung ah a tialcang mi le zungzal hmun dingmi bia pawl an si (cf; Gen 41:1, 32/ Salm 119:89).

Deut 6:5 – “Pathian cu na thinlung dihlak, na nunnak dihlak le na thazang dihlak in na dawt lai.”

Lev 19:5 – “Nangmah naa dawt bantukin midang zong va daw hna.”

1Cor 13:18 – “Dawtnak cu a dong kho lo.”

Matt 22:37-40 – “Jesuh nih Bawipa na Pathian cu na thinlung dihlak, na nunnak dihlak le na thazaang dihlak in na dawt lai, na innpa kha nangmah naa dawt bantukin na dawt vel ai. Moses nawlbia le profet hna cawnpiakmi vialte cu hi nawlbia pahnih nih hin a huap dih hna” tiah a ti.

Gen 41:32 – “Na mang ah voihnih tiang naa manhnak cu Pathian nih hi bia hi a ruah cang i a rauh hlan ah a tlunter lai tinak a si.”

Salm 119:89 – “Maw Bawipa na bia cu a zungzal in a hmun lai, Vancung ah a um cangmi bia a si.”