Pathian maw Pathian rian dah?

Photo Credit

Pathian auhnak kha a vun theih tikah Abraham cu zeizong vialte kha chiah tak in Pathian kha aa thim. Lungawtawmnak zeihmanh um lo in Pathian bia kha a ngai i, khuazei ah k a kal lai ti hngalh lo in Pathian nih bia a kamh mi ramlei kal awk ah a laihri tannak ram khan a chuak. Abraham nih mah thimnak a vun tuah hnu ah khuaruahhar awk thil hna kha hmuh hram a rak thawk hna.

Abraham cu kum 100 a si ah Pathian nih fa kan pek lai a ti mi biakamnak kha lungawtawmnak a ngei lo. “Zumhnak in Abraham nih hneksak a vun si tikah, a fapa Isaac kha raithawinak ah a pekchanh, zeicahtiah a nih nih Pathian nih mi pakhat kha mithi sinin a thawhter khawh ti kha a ruah….(Heb 11:9-19).”

He bantuk in a si caah, Abraham cu mi tampi pa ah a cang, vancung i a um mi arfi zat le rilikam i a um mi thetse zat tam in.

Pathian lawng i bochan, Pathian lawng i thim, mah hi kan pupa hna profet hna le hlan lio Khrihfa hna nih an rak hmuhton mi cu a si. Mah kong hi Hebrew cakuat (11) nak nih a chim i khi chungah “zumhnak thawngin” ti mi kha voihleiriat tiang a nolh i “zumhnak he” ti mi kha voikhat a chim.

Pathian sinah i pumpek dih lo ti mi cu ka dangdang ah bawmtu le himnak a kawl tiah a chim duh mi a si. Mahhi Pathian miphun hna caah tukforhnak  a si zungzal. Moses le David le Solomon,….bantuk minthang hna hmanh nih an tuar mi hneksaknak a si.

Jesuh le Mary cu zumtu thabik an si. Anmah he tehte tampi rel cawk lo hna cu zohchunh awktlak ziaza dawhnak hna cu Bupi tuanbia ah a bau bal lo i kanmah pumpak kan nunnak zongah kan ton cio mi a si.

Add new comment

15 + 4 =