Pehtlaihnak

Photo Credit

“Nangmah cu Pathian Messiah na si.” (Lk 9:20)

Nihin kan relmi cathiang Lk 9:18-22 chungah Jesuh amah lawng thla a cam lioah a zultu hna kha an sinah an ra i Jesuh nih, “Mi nih aho a si an ka ti dah?” tiah a hal hna. Jesuh nih a zultu hna sin in zeibantuk bialehnak dah a um hnga timi theih a duh caah a si. An leh mi cu: “A cheu nih Tipilpetu Johan a si, an in ti. Cun a dang nih, Elijah a si, an in ti. Cun a dang nih hlanlio i a rak ummi profet pakhatkhat kha a nung ṭhan, an in ti,” tiah an ti. Cun Jesuh anmah kha a hal ve hna tikah, Peter nih a vun leh mi cu: “Nangmah cu Pathian Messiah na si,” tiah a ti.

Kannih pakhat cio hna zong Jesuh nih bia a kan hal ve mi cu: “Aho a si nan ka ti dah?” timi hi a si. Chikhat ṭha tein vun ruat cio hna hmanh u sih. Jesuh Khrih hi kan/ka caah “Aho taktak dah a si?” Cun ka nunnak ah zeitlukindah rianṭuan khawhnak le thil ti khawhnak a ngeih? Cun “Zeitluk in dah Jesuh he pehtlaihnak ṭha ka ngeih khawh cang?”

Jesuh nih amah kha zumh sawhsawh lawng zumh dingin a kan duh piak mi a si lo. “Jesuh ka zumh” ti sawh lawng siloin pumpak pehtlaihnak ngeih ding tiang in a kan duhpiak mi a si ko. Zeidah kan i thim hna lai. Jesuh Pathian he pehtlaihnak ngeih ding maw, hlawt ding dah?

 

 

Add new comment

9 + 5 =