Rawitu

Photo Credit

Minung pakhat le pakhat kan i pehtlaihnak hna hi kapkhat lei in leirawi kan si tikah kan i zumhnak le kan i dawtnak hna hi a tlau tawn. Hi bantuk thil hna kan ton tikah kan tuarnak le kan in nak hna nak in a rak ingtuar deuhtu Jesuh Khrih kha kan i zoh chih zungzal a hau. Lei a kan rawitu hna hi kan theih hna ding a si bantukin hrial thiam ding zong kan si.
Gethsemane dum chung Bawipa thla a cam lio i a nganfah ning kong kan rauh tikah Judas Iscariot nih lei a rawi ruang lawng ah si lo in vawlei mi vialte hna i kan sual kan palhnak hna ruangah fak tuk in a nganfah nak hi a si. Mah zawn lawng i ruahnak le mah thatnak ca lawng a kawl mi minung hna kan sining cang hi Bawipa nih cun a kan theihthiam piak tuk hringhran ko. Sihmanhsehlaw a kan theihthiam piak ko ti in um sawh ding cu a si lo. Amah cungah zumhtlak tein kan um zungzal a herh ve.
Bawipa a thinphan mi cu a thih lai nak kong si lo in, Amah kha an thaih an khih an thah tikah a hnu zultu a si mi hna nih a cungah an zumhnak an thlau sual nak hnga lo ding tu hi a si.
Kan nih hna hi teh zeibantuk dirhmun in a dir mi dah kan si ve? Judas Iscariot bangin Bawipa cungah siseh, kan pawngkam kan hawi le hna cungah lei a rawi tu kan si ve sual hna maw? Mah ca lawng i ruah in midang cung that lo nak a tlunter tu kan si sual hna maw?
A thiang zarh chung kan luh lio a si bangin hi ni caan hna hi kan nunnak ah a biapi tuk mi ni caan hna zong an si. Hebrew catial tu pa nih a tial bangin: “Bia a kan kamhtu Pathian cu zumh awk tlak a si bantukin kan i ruahchanmi cu fek tein I tlaih peng ko u sih.” (Heb 10:23)

Add new comment

4 + 3 =