Ruat cio hna u sih…

“Phungbia cawnpiaktu saya hna le Farasi mi hna, nan caah ngaihchia a va si dah! Si rang an thuhmi thlan bantuk bantuk nan si. lenglei cun aa dawh ko, sihmahsehlaw a chung cu mithi ruh le a thumi pei a khat cu.”(Matt 23:27)

Matthew Gospel(Matt 23:13-27) chungah voi(7) tiang “Phungbia cawnpiaktu saya hna le Farasi mi hna, nan caah ngaihchia a va si dah!” tiah Jesuh nih a ti.

Nihin kan theih kan relmi cathiang cu (Matt 23:13-22) a si. Jesuh Khrih nih lenglei in “i ti ter” timi a duh lo nak kong a si. Farasi mi hna nih cu “hlaan lio Prophet hna cungah a rak tlung mi chiatnak hna kha kan chan ah cun sisehlaw kan kan mah nih cun kan tuah hrimhrim lai lo” tiah an timi kha Jesuh nih nan palh cikcek tiah a ti hna nak a si. Sihmahsehlaw, hitin pheh a hmang mi hna zong hi hlaan chan ah rak um ve hna sehlaw chiatnak a tuah tu hna phu a ttanh tu an si ve ko lai. Hitin an um mi hrimhrim hi Jesuh nih  a duh lo caah fak piin a mawhchiat hna nak hi a si.

Thil a dik lomi an hmuh ko nain “teitu an si ruangah i hmuhter duh lo le i theih ter duh lonak, teitu le uktu a simi hna paoh he i komh a duhnak” timi hna kha Jesuh nih fak piin sual a phawt hna nak zong a si.

Kan nih hna hi tah zei bantuk lungput a ngei mi dah kan si? Dinfel lonak a do tu maw kan si? Aa pheet tak tu dah kan si? Ruat cio hna u sih.