St. alphonsus

1st August

ST. ALPHONSUS LIGUORI (1696-1787)

(BISHOP & DOCTOR)

            St. Alphonsus cu Ridamtoris bu a thawktu a si. Italy ram Naples khua pawngah 1696 kum ah a chuak. Cu khua i Sianginn `habikah ca a cawng i kum 16 a ti ah upadi lei degree a lak. 1722 kum ahcun a nunnak caah harnak le sunghnak a tong i, harsatnak fakpi a in. Cu lengah “Vawleipi kha kaltaklaw ka hnu ka zul” timi a lungchung ah auhnak kha a theih. 1726 kum ah Siangbawi cannak a hmuh i Alphonsus cu fiangtein a chimkhawhnak le hmantein phung a chim khawhnak ruangah a min a thang. Amah nih “phungngaitu chungin a ludorbik nu pakhat hmanh nih a theih khawh lo ding mi phung ka chim bal lo,” tiah a ti. Zulh a har ngai mi zatlang zulhphung kha a dirkamh mi a palh mi zumhnak pakhat a si. Jansenism zong kha ral`ha ngai in a doh, “Sual tuah mi hna kha dantat nak an pek bantuk si loin thlarau hna khamh bantukin sual aa ngaichih mi hna kha komh awk asi,” tiah a aupi. Amah cu sual aa ngaichih mi pakhatkhat kha zeitikhmanh ah sualthlah piaklo in a um bal lo.

            1732 kum ah mithiang Alphonsus cu a thianghlim bik mi khamhnak bu (Ridamtoris) kha khua chung le khuate hna ah fakpiin phungchimnak he a dirh. St. Alphonsus cu ziaza lei Bible fimthiam tiah a min a thang i a `habik a hriamnam a simi “The Moral Theology (1748)” cu Pope pa i theih hngalhpinak kha a hmuh. 1756 kum ah St. Agatha khua i Bishop an pek. Cu hnuah mipi (layman) le Siangbawi hna remh`hannak rian kha a thawk. Missa an tuah tikah minit 15 hmanh a rau lo mi Siangbawi hna kha an rian in chitkhat a dinhter hna i a rangleng le Bishop a cannak kutdonghrolh kha a zuar i mi sifak hna kha a pek hna. A nunnak a dongh lai kum lei ahcun fakpiin zawtfahnak le a hawi Siangbawi hna hmanhnih `halo tein hremnak kha a in. Cuhna nih cun a mah nih a dirh mi bu chungin an `hawl. A thianhlimnak can ah Pathian nih a khunhpek mi tukforhnak vialte kha a in dih hnuah 1787 kum ah a thi.

Add new comment

1 + 2 =