Tangdor thiamnak lungput

Photo Credit

 

Khrihfa kan si nak i kan huham a lianhnak cu mah zawn ruah lo in midang caah rian tuannak timi he hin pehtlaihnak a um. Kan Bawipa Jesuh Khrih hrimhrim nih hi vawlei cung a rak nun lio caan ah rian fial tu dirhmun in silo in riantuan piaktu dirhmun in lam a kan hmuh sak. Hruaitu a si mi Jesuh nih a hruai mi hna caah rian a tuan piak hna. Khrihfa nunnak zongah tam deuh in rian kan tuan poh ah kan nun zia aa dawh deuh ve.

Jesuh cu pathian vialte hna lak ah lian nganbik Pathian a si ko na in tangdor nak lungthin ngeih in kan caah lam tha a kan hmuh sak tu a si. Rian a kan tuan piak tu a si. “Mi Fapa hi rian tuanpiak dingah ka rat tung lo, mi tampi an rian tuanpiak awk le annih thlanhnak ca i ka nunnak pek awkah pei ka rat cu”( Matt 20:28) A hruai mi a zultu hna cungah “aanaa” hmang lo in dawtnak hriamnam lawng a hmang mi a si. James le Johan nu Salome nih Bawipa sin a fale hna caah hmunhma a hal tik ah a leh mi cu: “Ahohmanh pakhatnak si a duhmi cu nan sal a si awk a si” tiah a ti (Matt 20:27)

Minung hmuhnak --- Lianngannak cu hmunhma ttha i um/ rang ttha tleih.

Pathian hmuhnak--- Lianngannak cu rian tuanpiak tu si ning dirhmun/ tangdor thiamnak lungput.

Add new comment

11 + 5 =