TEINAK THILTHUP (1)

TIMHMI CHIAHNAK I A ṬHANNAK LE HUHAM HNA

        Mizei paoh nih minung kan rak canka bakin teitu asimi nunnak in nunning ser i um duhnak lungthin kan ngeihcio mi cu kan i chuahpi mi asi. Mah khi cu Pathian pekmi laksawng ah nan ngeih ah chiah ding le sunhsak cio ding a si bantukin teitu pakhat si dingah a herhmi pahrang hna kha bet (chapchih) ding a si.

          Atu Tikhor cawh i tidin khawh asi men kolai. Sihmanhsehlaw nunnak pakhat muisam serchuahnak ah cun saupi a raumi caan, rian bawmhnak, thazaang le thinlung put, ralṭhatnak, thihchih peng i teimaknak hna kha kan cham (pekchanh) cio ding asi.

          Tinhnak tung (kawltung) pakhat chiahin mah tinhnak tung ningin kaarhlannak cu teitu asimi nunnak kha ngeih dingah abiapi mi tawhfung asi. Hika zawn ahhin tinhnak le tinhnak tung (kawltung) timi cu aa thleidang mi asi. Tinhnak cu donghnak a ngei lomi rili tipi thuam- thum he aa lo i, tinhnak tung (kawltung) timi cu a kangh cuahmah mi cahnah he aa lo.

          Tinhnak tung (kawltung) timi cu chuncha muici i a donghnak a ki ah a ummi sui he aa lo. Khi cu kannih kan kawlmi thil cu asi.

          Tinhnak timi cu tinhnak tung pakhat cio leiah kan phak le cangka in ṭuanding mi a dang tinhnak tung nih kan hmai in a kan ngah i, a kan don cang. Hika zawnah tinhnak tung cu rikhiahnak a um i tinhnak timi cu a luang thluahmah mi Rili ti he aa lawh.

          Asang i a thiangmi tinhnak ngeih cu thluachuah veel pakhat asi i teinak a hmumi (teitu asimi) nunnak i lamthawknak zong a si fawn. Desezeu nih, “Teinak i thilthup pakhat cu catlo pehthliahmah in tinhnak chiah kha asi,” tiah a ti. Cupinah, “Nihin ah nangmah cu teinak a hmumi (teitu a simi) pakhat si dingin a thiang a sang mi tinhnak ngeih (ichiah) nak cu a cung bantukin thilthup kha a siko ti in… “Nang cu tlangpar ah a khomi meifarkung na si khawh lo hmanhah nelrawn ah a zummi burbuk bu sinakin tlang velchun ah a ṭhabikmi a zummi hlingkung ah aa dawhmi hramkung si hram ko. A nuammi nunnak (nunning) a ser khomi a si ko” kan dihlak in (zapiin) Captain sinak nawl kan hmuh lai lo nain Tilawng rianṭuan pakhat sinak in rianṭuannak nawl kan hmuh ṭhiamṭhiam rih ko. Nangmah cu ka tei, ka sung tiah abiapi mi Arfi ceu hna si khawh ding i zuam. Nangmah cu ka tei, ka sung tikha biapi ah chia loin, a canglio mi nunnak cungah a ṭhabik in chaantu (aa pek chantu) si khawh ding lawng kha a biapi mi asi.

          Kannih vialte caah asi khomi thil pakhatkhat tu cu a um zungzal ko, tiah a ti.