Thawhthan Zarh (4) nak Zarhpi Ni

Photo Credit

MAY 8, 2022
Voikhatnak Bible - Lamkaltu 13:14, 43-52
Psalm - 100:1-3, 5(Lehnak 100:3)
Voihnihnak Bible - Biathlam 7:9, 14-17
Thawngthabia - John 10:27 -30

Bawipa cu Tuukhal bantuk in a ka vengtu a si. Ka herhmi vialte kha a ka pek dih (salm 23:1).

Jesuh cu lam palhmi tuu hna kha harnak phanh ter lo dingin a zohkhenh tu tuukhal tha a si.

Jesuh nih amah a zultu vialte hna kha biakamnak pathum a pek hna. (1) Zungzal nunnak kan pek hna lai. (2) A ka zum i ka hnu a ka zulmi poh cu Pathian pekmi nunnak nan hmuh lai. (3) Thihnak cu donghnak a si lo i zungzal nunnak caah hramthawhnak a si. A rawk kho lomi lianngannak kha an hngalh lai tiah bia a kamh hna.

Amah Jesuh hrimhrim kha zungzal nunnak cu a si i a kut chungah a um i ahohmanh nih an chut kho lo. Amah chung kan um ahcun phan awk zeihmanh a um ti lai lo. Zungzal rawhralnak khan khamhawk ah bia a kan kamh.

Atu kan nunlio ahhin cun temhfahnak, harnak le zawtfahnak a phunphun kan ton ko lai. Sihmanhsehlaw mah harnak vialte kan lonh dih cun Jesuh nih a vancung innchung ah nuamhnak a tling mi, zungzal in zungzal tiang a kan umpi lai.

Kan nunnak kan zeizong vialte hi Jesuh sin kan ap dih ahcun, zei bantuk hmanh nih Jesuh he a kan then kho lai lo tiah zumh in amah kha zulh ding a si.

Add new comment

6 + 9 =