Thawhthan Zarhpi Ni

Voikhatnak Bible - Lamkaltu 10 : 34, 37 - 43 Psalm -118:1-2,16-17,22-23 Voihnihnak Bible- Kolos. 3 : 1 - 4 Thawngthabia - John 20 : 1 - 9
- Jesuh a thih an vui hnu a thawhthan hlan caan karlak te kha a zultu hna ruahchanak a dongh ning, zultu a cheukhat nih Jesuh Siangpahrang a si lai i kei cu a orhlei ah ka thu lai, kei cu a kehlei ah ka thu lai i bawi nganpi ah kaa chuah lai, tiah ruah channak nganpi he lung hmui ngai in an um lioah, Jesuh nih cun a thih tak ai hna. An caah van a cim, Cathiang nih a thothan lai tiah a chimmi kha cu annih caah cun zumh awk a har tuk. Nang le kei zong kan si ve ko lai.
- Thlan khar lung nganpi aa thawn kha Jesuh chuahnak ding caah si lo in Jesuh a thothan cang, thlan chungah a um ti lo ti mi tette paihnak ca tu ah a rak si deuh.
- Thawhthannak kan co nakhnga ding caah kan lungthin chung
i lungkhar pi kha kan thial ta hmasa a hau.
- Thih hnu thawhthannak hi Khrihfa vialte caah suttung nganpi a si. Thiang Thlarau veelngeih zaangfahnak in Jesuh bantuk in ka thi ve lai i ka thothan ve lai timi zumhnak hi Bawipa nih a kan pek.
- Thih hnu thawhthannak kan zumh lo ahcun kan nunchung nuamngai in khuasak ding a si ko. Minung hi kum zeizat dah hi vawlei cungah kan nun lai. Leicung nunnak a dih tikah tah/teh kum zeizat dah kan thlarau hi a nun lai. Jesuh he nun ti cu zeitluk in dah a nuamh lai.
- Thawhthan puai kan tuahnak thawngin kan lungthin chungah zei ruahchannak dah a kan pek?
- A ngaingai ti ahcun vawleicung kan nunchung ah duh paoh khuasa pawl hi thih hnu thawhthannak a zum kho lo deuhmi kan si. Kan kaa lawngin a zummi kan si.
- Thih hnu thawhthannak a zum taktak mi nih cun atu chan cannak in hmailei chan ca tu ah rian an tuan, khua an khang deuh i Khrihfa taktak cu an si.