Thawngttha...

Nihin kan theih mi cathiang, ah Bawipa nih Prophet Isaiah cathiang kha  a rel i a ti mi cu, “Kika Cathiang can hi nannih nih ka rel tikah nan theih bantukin nihin ni ah hin a tling cang” tiah a ti. (Luke 4:21)

• (Luke 4:14-21) catlang hi nifatin kan nunnak ah kan i nunpi hna hnga mi Cathiang catlang hna an si. A bikin sifak harsa hna caah lunglawmhnak thawngtha a phuang kho tu si nak ding hi a si.
• Lunglawmhnak thawngtha cu zei khi dah a si hnga? Sifak harsa hna ti mi hi teh zei dah a chim duh nak a si hnga? Nihin kan rel mi cathiang chungah thongtla hna luatter ding le, mitcaw hna nih khua hmuh than ding, hrem a tong mi hna khamh awk ah Bawipa a ra tiin kan hmuh.
• Nihin kan vawlei pi ah kokek ral siseh, raltuk ruangah har a tong mi si hna seh, zawtfah ruangah lung retheih in a um mi si hna seh minung tampi thinphang thla lau in um cio a si. Harsat nak hna nih a kan kan nunnak ah a kan ngeirh i zalonnak kan sin ah a um kho ti lo. Phaisa ruangah siseh, dawh duh ruangah siseh, minthan duh ruangah siseh, ruam kai duh nak sal, pakhat le pakhat i rem lo nak, i hlawtnak, ruahnak ttha lo ngeih nak tbk,… hna nih a ttem chih mi hna an si.
• Hi bantuk ttem nak hna i luat khawh nak hnga ding caah le midang hna zong an luat khawh ve cio nak hnga i bawmchan zungzal hna u sih. Kan ram kan vawlei cung pi zong ah pakhat le pakhat i bawmchan hna u sih. Daihnak le remnak himnak caah lungthin khat tein dawtnak he kan kal tti hna a si ah cun teinak kan hmu zungzal ko hna lai.
• Dawtnak kan ngeih a si ah cun Pathian kan sin ah a um tinak a si i Pathian kan sin a um a si ah cun teinak kan hmu zungzal ko hna lai. Kan mah hna zong Pathian sin kan um ve hrimhrim a herh.
• Harsatnak a tong mi hna caah daihnak le lunglawmhnak thawngtha a nun pi kho tu si khawh i zuam zungzal hna u sih.
• Thla kan cam hnga ding mi cu: “Maw Bawipa, lunglawmhnak thawngtha bia a si mi, dawtnak, daihnak, ruahchannak thazang pawngkam um mi hna cungah a langhter zungzal kho tu ka si ter ko sawh” tiin thlacam hna u sih.