A THIANG NINGA NI

A thi dengmang cang mi pakhat khat an um tikah chungkhar rualchan sahlawh vialte an ra hna i hnemhnak le thutpi nak tuah a si tawn. Sihmanhsehlaw Jesuh Khrih cu a nu Mary, nu a cheukhat le Johan dah ti lo cun hnemtu le thazaang petu a rak ngei lo. A hnu zultu si ding le a hawikom thabik ah aa rak thimmi zultu dang vialte hna cu Jesuh pawng um loin an rak zam dih hna.

Kan nih Khrihfa mi hna hi teh Bawipa a thih ni ah hin Bawipa pawngah maw kan um ve hna lai, kan zam ve hna lai maw?

Kan Bawipa Jesuh Khrih a thih ni cacawn Ning ani hi mirang holh in GOOD FRIDAY tiah an ti. Lai holh in direct in kan leh a si ahcun a thami ninga ni kan ti hnga maw, a thiang ninga ni kan ti lai dah? Hi zawn ah hin ruah ding tete an um.

Siangpahrang lakah Siangpahrang bik a si mi kan Bawipa Jesuh Khrih cu sal a simi hna le mifir hna bangin vailam cungah a thih mi hi a tha kan ti kho cio hnga maw? Zeidah a thatnak a um hnga? Pathian Fapa kan caah a nunnak aa pek mi cu a tha tukmi a si. Zeicah kan ti a si ah cun kan sualnak chungin khamh kan si than nak hnga ding caah a si. Cun Jesuh vailam cung a thihnak nih hin zeizong vialte a tei khawh dih caah a si. Mah ruangah Bawipa a thih ni Ninga ni cu a thiang mi ni, a tha mi ni tiah kan ti nak a si.

Jesuh vailam cung a thihnak nih a langhter thanmi cu Pathian nih amah muisam in sermi minung hna kha a kan dawt cikcek nak a langhter nak zong a si.

Pathumnak ah a langhter thanmi cu vailam cungin langhter mi Pathian dawtnak thawngin mi vialte nih sualnak chungin khamhnak kan hmuh than cang tinak zong a si.

A thianghlim tukmi Jesuh vailam cung a thinak thawngin kan nih vialte hna zong thianter kan si ve cang hna i Pathian nih a kan dawtnak a langhter nak ni cu A THIANG MI NI, A THIANG NINGA NI tiah kan tinak a si.